وجه نور عمرو أديب نجل الإعلامي عمرو أديب والإعلامية لميس الحديدي رسالة إلى أخيه خالد في حفل زفافه.
وتذكر نور في كلمته كيف كان يقضي يوم الخميس مع أخيه من سهرات معا ومشاهدة الأفلام والمباريات، كاشفا أن خالد جعله يشجع النادي الأهلي وهو ما كان يزعج والدهما عمرو أديب.
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وقال نور في كلمته:" كنا كل يوم خميس نخرج مع بعض أو نعمل أكلة حلوة ونتفرج على التليفزيون أنتوا مش عارفين دا أثر معايا قد إيه، كنا نتفرج على ماتشات الكرة وهو اللي خلاني ممكن بابا يزعل مني لأني بقيت أهلاوي هو اللي خلاني أنبسط بحاجات زي دي، إحنا الفرق بينا 7 سنين بس لأ إحنا السن مش فارق، هو بجد أحلى حاجة في الدنيا".
نرشح لك: ماذا قال عمرو أديب لابنه خالد في حفل زفافه؟ .. هكذا سخر من صلعته
ووجه رسالة إلى عروس أخيه قائلا: "أنتي أخدتي حاجة جميلة يا فرح، وفرح من أطيب الأشخاص أتمنى لكم أيام سعيدة وجميلة وأتمنى أن تستمتعوا بحياتكم".
وخلال الحفل حرص أفراد عائلة أديب على توجيه رسائل لخالد عمرو أديب، وكانت البداية مع والده عمرو أديب الذي قال له: "عايز أقول لكم على حاجة مهمة، لو في ميزة في كل رجالة وأبناء عيلة أديب، إنها ناس طيبة جدا، يعني كلنا بشكل أو بآخر ممكن يبقى فينا عيوب الدنيا، لكن هتلقى البذرة اللي جوانا ناس طيبة وأميرة، عشان كدة أنا انهاردة بهدي ابني وهو أحد الطيبين في عيلة أديب، وشخص أمير جدا لمراته، فرح، وأقول لها حافظي على الطيبة دي، واستغليها لأنها أساس استكمال الحياة، احنا بقينا في عصر قليل فيه أوي الطيبين، لذلك أنا فخور جدا إني بنتمي للعيلة دي".
وأضاف: أشكر حضراتكم جدا على حضوركم، كان نفسي أعيط بس مش جاي معايا عياط، إنما هسيب لكم انتم العياط، وبشكر لكل حد جالنا في الظروف دي، وبقول له أنا بحبك يا ابني جدا جدا جدا جدا، وبحب فرح جدا جدا جدا، ونفسي يعملوا كل الحاجات اللي مقدرناش نعملها، طبعا محدش يقدر يعمل الحاجات اللي عملناها، أنا بشكركم وسعيد بكم، اليوم بشوف أهلي اللي بقالي كتير ماشوفتهمش.
خالد هو الابن الأكبر لعمرو أديب من زوجته الأولى، درس المسرح في الجامعة الأمريكية، بدأ حياته المهنة كـ "ستاند أب كوميدي"، والآن هو الرئيس التنفيذي لشركة GME التي تنتج برنامج "بالبيجامة".
وكان قد احتفل بالخطبة في شهر أغسطس الماضي في حفل عائلي في إحدى القاعات المطلة على نهر النيل، ضم الحفل العائلة والأصدقاء ومنهم الفنانة منال سلامة، أميرة أديب، عادل أديب، الإعلامي شريف نور الدين.
اقرأ أيضا:
الصور الأولى من حفل زفاف نجل عمرو أديب
أصالة مفاجأة حفل "ليلة الدموع"... وهاني فرحات يقبل يدها - فيديو
أحمد حلمي: أولادي مش بيتفرجوا على افلامي والإعلانات بتساعد الفنان يختار أعماله بعناية
قبلة بين عمرو أديب ولميس الحديدي ودعم لفلسطين … أبرز لقطات حفل زفاف خالد أديب
لا يفوتك: الفنان ومدرب التمثيل نصر زينهم يحكي عن ذكرياته مع مدرسة المشاغبين
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5