تحدث الكاتب عمرو محمود ياسين عن تفاصيل كتابة ثلاث حكايات من مسلسل "55 مشكلة حب" وهم "الفريدو"، "ماتيجي نشوف"، عيشها بفرحة".
قال عمرو محمود ياسين في مداخلة هاتفية له مع الإعلامية لينا الطهطاوي في برنامج "كلالكيت" المذاع على نجوم أف أم "الدراما دايما بتفرض نفسها كشخصيات وأحداث وفي ال3 حكايات كنا بناقش قضايا مختلفة ففي الحكاية الأولى ناقشنا معاناة مرضى الزهايمر وصلة الرحم ودة بيفرض عليك مود معين وطبيعة شخصيات معينة اللي بتلجألها في النوع دة من الحكايات وهنا روحنا للعمة فمابالك بقى بالأم، وانا في نصيبي وقسمتك كان عندي حكاية 604 كنا بنتكلم عن التوبة والعودة لله وروحت لنموذج ممكن يكون بعيد أوي وهو واحدة بتمتهن الدعارة علشان اقول أن حتى دي عندها فرصة للتوبة فانا بحب اروح لحتة ابعد من المعتاد فكان أفضل في حكاية "الفريدو" نروح للعمة فدة بيخليه أكثر عمومية"
تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا
وتابع "وانا عبر مشوار نصيبي وقسمتك متعود على التنوع وكنت مقدم أكتر من 50 قصة فمتعود على أن كل كام حلقة فكرة مختلفة والمتعة هنا أنك تخلي المشاهد يشوف أن كل حكاية هي مسلسل جديد، وفي حكاية "ما تيجي نشوف" بنتكلم عن فكرة الشك وأن في زوايا مختلفة واحنا محتاجين دة دلوقتي"
وأضاف "وفي "عيشها بفرحة" أنا كنت عايز اتكلم عن قطاع كبير من مجتمعنا بيعاني من الإعاقة وممكن الضوء من مسلط عليه بشكل كافي فمحتاجين نقول أنهم زيهم زي أي حد وأن الإعاقة مش فيهم هما بل في المجتمع اللي مش موفر ليهم السبل اللي تخليهم يبانوا طبيعيين ونقول أنهم قادرين على صنع اشياء قيمة ومهمة ونشجعهم ونقولهم أن الحياة لم تنتهي عند الإعاقة"
وعن العمل مع ورشة كتابة قال "المسلسل دة لأول مرة اشتغل مع ورشة كتابة ودة كان بسبب اني بدي كورس للسيناريو وحبيت من خلال المسلسل دة أقدم كتاب جداد وبما أنهم تلامذتي فعقلياتنا متقاربة فكان سهل الشغل معاهم وانا متعود على العمل تحت ضغط والكتابة بسرعة واحنا كنا بنشتغل على الهوا لكن قدرنا الحمدالله نقدمه بشكل جيد جدا"
نرشح لك: نور النبوي يكشف سر سلسلة لا تفارقه ... ما علاقة مسلسل "الاختيار"
وتابع "وانا بحب اقدم ناس وكل ما الاقي كاتب كويس ومتقارب معايا في التفكير هقدمه والبعض بيقولي أنت بتجيب ناس تنافسك لكن أنا معنديش الازمة دي خالص وهما ناس موهوبة واللي واثق من نفسه مش هيقلق وكل واحد من حقه يأخذ فرصة"
كما أوضح المقصود بأن المسلسل مستوحى من كتاب للدكتور مصطفى محمود وقال "الكتاب عبارة عن رسائل حقيقية تم ارسالها لدكتور مصطفى محمود وهو قام بالرد عليها أنا لما اطلعت على الرسائل متحمستش لرسالة معينة وقررت انفذها ولكن تحمست للقضايا اللي الكتاب اتكلم عنها يعني في رسائل بتتكلم عن صلة الرحم ورسائل بتتكلم عن الشك
وأضاف "وانا بكتب كل شخصية بيجي في دماغي بعض الشخصيات فبيكون عندي تصور معين للأبطال"
وعن أكثر الحكايات التي يحبها قال "اكتر حكاية قريبة لقلبي هي عيشها بفرحة علشان هي عن قطاع من المجتمع مش واخد مساحة من الاهتمام والدولة مهتمة بس ناقص نشوف اهتمام مجتمعي فكنت حابب اتعرض للنموذج دة من مجتمعنا والقصة دي أضافت على المشروع بشكل مفاجئ فاحنا كنا بنكتب وبنصور في وقت قليل اوي"
وعن أعماله القادمة قال "في مشاريع شغال عليها بين السينما والدراما التلفزيونية"
اقرأ أيضا:
أمينة خليل تدعم عهد التميمي: هدعيلك وربنا هيقويكي
ممثلة فلسطينية شابة: لو نجيت من الحـرب هكمل حلمي ولو ما نجيت بتمنى ما أكون رقم
شريف إكرامي لبيومي فؤاد: أكره التسول والشعارات الفارغة لا تتكلم باسم بلدك
حمو بيكا يستقبل مولودته الأولى ويطلق عليها هذا الاسم
لا يفوتك: الفنان ومدرب التمثيل نصر زينهم هيقول لنا رأيه في خالد النبوي ومحمد هنيدي ومحمد رمضان وأمير كرارة
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5