اعترض السيناريست محمد أمين راضي على ما فعله الفنان محمد سلام بعد إعلانه عدم المشاركة في مسرحية "زواج اصطناعي" المقرر عرضها في موسم الرياض بالمملكة العربية السعودية 30 أكتوبر المقبل، تضامنًا مع الشعب الفلسطيني.

وكتب محمد أمين راضي عبر صفحته على Facebook: "مش قادر فكرة إني علشان بحب محمد سلام جدا فأقرر ما قولش رايي بصراحة مضايقني من أول ما قولت لنفسي كده امبارح، لأن على الجانب الآخر ما صلاح الجهيني صاحبي، بس حقيقي بعيد بقى عن المحبة والصداقة".

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وأضاف: "اللي عمله سلام فعل غير مهني بالمرة، حتى ولو مشاعره صادقة، كان عادي يعتذر من أسبوع، مش قبلها بيوم، وكان عادي خلاص برضه ده يحصل بصمت، بدون أي فيديوهات تحرج زمايله اللي موجودين حاليا، وبتحرج اكتر اللي هيجي بعده، خصوصا أن صار العرف أن الواحد بيعمل الفيديوهات اللي بيوضح فيها موقفه للناس اللي هو عامل حاجة غلط في حقهم أو اللي زعلانين منه، اللي همه في الحالة دي".

وتابع محمد أمين راضي: "الجمهور اللي قطع التذاكر بناء على الإعلانات اللي هو موجود فيها لحد امبارح، وطبعا الفيديو المعمول مش موجه خالص للجمهور اللي بتكلم عليه. والأهم بقى من كل ده وفوق كل ده الفن مش رفاهية الفن مش رفاهية أو شيء ممارسته تسيء وتقلل من هيبة الحزن، ومش هتكلم خالص عن خصوصية الفن ودوره خالص".

وواصل: "انا مش هتكلم إلا على كونه مهنة ما فيش أي مهنة بيتطلب منها أو بيتطوع صحابها من نفسهم بالتوقف عشان الظروف إلا إحنا ما قبلتش أنا حد في بنك قرر يستقيل عشان خاله مات مثلا وحقيقي أنا مش فاهم إيه اللي حصل أنا واحد اتربى على جيل من الفانين كانوا بيتفاخروا بأن أقرب الأقربين ليهم ابوهم مات وهمه دفنوه وطلعوا على المسرح علشان عندهم ميعاد خشبة مسرح وعندهم جمهور قاطع تذاكر واحترامه شيء مقدس سيد مكاوي واخرين كان بيسافر الجبهة بتاعت الحرب عندنا إحنا علشان يعملولهم حفلات مخصوص لرفع من روحهم المعنوية فإللي إحنا بنتكلم فيه لا هو بدعة ولا أفورة مننا في حقيقة الأمر انتوا مبتذلين".

وكان محمد سلام نشر فيديو عبر حسابه بموقع Facebook قال فيه، إنه توقع أن يتم إلغاء موسم الرياض بسبب الأحداث التي تشهدها غزة، بعد قرار إلغاء مهرجانات كبيرة مثل القاهرة السينمائي والجونة، لكن لم يحدث فاضطر الاعتذار عن السفر، لأنه لن يستطيع أن يقدم كوميديا ورقص، تزامنا مع ما تشهده فلسطين من أحداث مؤسفة.

وأوضح أنه شعر لو فعل ذلك كأنه يساهم في قتلهم أيضا، وهو ما رفضه تماما، رغم يقينه أن القرار قد يأتي بنتائج عكسية له، ويؤثر على عمله ودخله فيما بعد، لكنه أصر، وقال: "مش هموت من الجوع".

اقرأ أيضا:

"المسلمين طيبين" - أسما شريف منير: أحداث غزة أظهرت الإسلام بشكل أوضح .. انتظمت في الصلاة ونفسي أتحجب

رمضان 2024- مي عمر تنتهي من تصوير "نعمة الأفوكاتو".. ومحمد سامي يبدأ مرحلة المونتاج

باسم يوسف يعلن عن موعد الجولة الثانية مع بيرس مورجان

رحيل محمد رؤوف مطرب فرقة رضا ... "اللي تعبنا سنين في هواه" من أغانيه

لا يفوتك: أول ظهور لابنة الفنانة ريم رؤوف.. ماما سرقت حلمي

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5