ريهام سعيد : أنغام طلعت راجل في أزمة غزة ومحمد صلاح ناكش شعره في الضلمة

مروة لبيب

مروة لبيب تاريخ النشر: الأحد، 22 أكتوبر، 2023 | آخر تحديث:

ريهام سعيد

أشادت الإعلامية ريهام سعيد بعد تغريدتها التي ردت بها على المتحدث باسم الجيش الإسرائيلي باللغة العربية أفيخاي أدرعي.

وخلال حلقة أمس من برنامجها "صبايا الشمس" الذي يعرض عبر قناة "الشمس"، قالت ريهام سعيد " الأزمة دي بينت رجالة، ومن الرجالة اللي الازمة دي بينتهم أنغام اللي ردت على أفيخاي مش كأنها فنانة هو ما يتقالوش غير ربنا ياخدك ... وبقول دايما إن الكلمة بتفرق على قد ما انت مشهور وعلى قد ما انت الناس بتحبك وعلى قد تأثيرك هيجي رد فعل .. يعني لو أنا كتبتله مش هيعرف أنا مين لكن لما واحدة بحجم أنغام تكتبله هتفرق ... أنا بنحني ليكي احتراما".

ريهام سعيد

محمد صلاح

تابعوا قناة FilFan.com على الواتساب لمعرفة أحدث أخبار النجوم وجديدهم في السينما والتليفزيون اضغط هنا

وتطرقت ريهام سعيد للحديث عن فيديو محمد صلاح الذي تحدث من خلاله على الأوضاع في غزة وقالت " التاني طالعلك في أوضة ضلمة ناكش شعره ومعرفش دا ذكاء اصطناعي ولا ملقنينه إيه، ميخدش أي موقف خالص مش بيقول ولا كلمة تقول إن اللي بيحصل دا غلط ومش صح، ساوى دي بدي، انت بجد خليت القضيتين زي بعض؟ أنا أخدت تيشيرت محمد صلاح من ابني قطعتها ورميتها وقولتله شجع زيزو في الزمالك".

أنغام

وتحدثت ريهام سعيد عن لقاء باسم يوسف مع بيرس مورجان وقالت "باسم يوسف دا اللي قاد حملة ضدي وكلم المعلنين يسحبوا إعلاناتهم من البرنامج بتاعي بعد حلقة فتاة المول فالمفروض إني مش بحب باسم يوسف ... لكن في اللقاء دا عمل اللي محدش عرف يعمله ، باسم ملوش مصالح معاهم هو عايش في وسطهم ففكرة إنه يطلع ويتحداهم وهو قاعد عندهم دي شجاعة غريبة.

وأضافت ريهام سعيد " أنا اتعلمت من باسم يوسف حاجة إنه مفرحش باللي اتقال عليه هو عرف اللعبة ، هو عايز يقول إنه معملش كدا عشان الناس ترضى عنه".

وتقدم ريهام سعيد، برنامج "صبايا الشمس" على قناة الشمس.

ويعرض 3 حلقات أسبوعيًا السبت، الأحد، الأثنين في تمام الساعه الـ 9 مساءً.

من ناحية أخرى، شاركت ريهام سعيد مؤخرًا في مسلسلين وفيلم وهم مسلسل "عودة البارون" مع كل من حسين فهمي، نهال عنبر، كاترين علي، علاء مرسي، سامي مغاوري، محمد مهران، ضياء المرغني، رزان مغربي، عبد الرحمن خضر.

كما شاركت في مسلسل "بعد النهاية" مع نرمين الفقي وإخراج وائل عبدالحميد، كما شاركت في فيلم "ما بعد الجنون" مع كل من محمود حميدة، بسمة، شيرين رضا، محمد الجوهري ولأول مرة المطرب مسلم.