بسمة وهبة تكشف حالة علياء بسيوني بعد الانفصال عن أحمد سعد

محمد أحمد

محمد أحمد تاريخ النشر: الجمعة، 1 سبتمبر، 2023 | آخر تحديث:

أحمد سعد وعلياء بسيوني

قالت الإعلامية بسمة وهبة إنها شاهدت علياء بسيوني طليقة الفنان أحمد سعد وهى تصلي في مسجد السيدة زينب.

وكتبت بسمة وهبة عبر حسابها على Instgram: "من عجائب الأقدار إني أروح أصلي المغرب في مسجد ستنا زينب النهاردة، ألاقي قدامي واحدة لابسة عباية بيضا جميلة ساجدة بتبكي وبتدعي، وشبّهت عليها لقيتها علياء البسيوني".

نرشح لك - عبد الواحد البنا مطرب "عسل وسكر": رقصة التخرج رجعت الأغنية تريند بعد 9 سنين

وأضافت: "الله يتقبل منك وييسر لك الخير يا عالية، واتأكدي إنه هتطلعي من عند أم العواجز مجبورة الخاطر، وتقبل الله صلاتك ودعائك.. والله يهديك يا أحمد.. علياء أم بناتك، متستاهلش منك كدة".

وكانت الإعلامية بسمة وهبة علقت على قصة طلاق الفنان أحمد سعد من علياء بسيوني، ووجهت نصيحة له.

وقالت بسمة، ببرنامج 90 دقيقة، بخصوص منشور "علياء" التي أعلنت فيه انفصالها عن زوجها أحمد سعد: "هو منشور قاسي جدا، وواضح جدا إن هي محروقة وموجوعة جدا، الست متعملش كدة إلا لما حد يولع في حتة من قلبها أو جسمها.. المنشور اتشال ودي بشرة خير لأن إحنا نتمنى إن الزوجين يبقوا على وفاق، لأن خراب البيت مش سهل وعشان عندهم بنتين".

أحمد سعد وعلياء بسيوني

وتابعت موجهة نصيحة لأحمد سعد: "أنا عايزة أنصحك يا أحمد نصيحة اعتبرها نصيحة من إعلامية أخت، الشهرة والنجومية والفلوس لازم يغيروا البني آدم وأوقات ربنا بيديهم للبني آدم اختبار أو مكافأة بس مش ليه لأ.. للست اللي معاه ولبناته".

واستكملت: "أنت طول عمرك صوتك حلو ومن أجمل الأصوات، مقولناش حاجة، بس مكنتش بنجومية النهاردة ولا بالشهرة دي رغم إن طول عمرك صوتك حلو، بس برضه مكنش عندك كم المعجبين والمعجبات ده".

وأردفت: "الكرسي والشهرة والنجومية بتخوف، نصيحتي لكل راجل مش أحمد بس، عنده واحدة ست وقفت جنبه، إوعى لما تعلى تديها كتف، فيه مطربين كتير طلعوا أوي في السما وبعدين نزلوا الأرض عشان افتروا على زوجاتهم وعلى اللي ربنا سخره لهم عشان يكون سبب في نجاحهم".

أحمد سعد وعلياء بسيوني

وأضافت: "إوعى تنكر إن نجوميتك زادت واختلفت بفضل الله بسبب زوجتك علياء، اللي نظمت لك حياتك، وأنت قولت معايا الكلام ده في البرنامج، سواء ماديا أو شخصيا، وشياكتك وأناقتك، وستايل لبسك اللي بقى زوقه أعلى من زمان".

وتابعت: "هي بنت أصيلة وواقفة جنبك ووشها حلو عليك، وكل جمهور أحمد سعد عارف ده.. دلوقتي بقى الكلام كله على نجاحاتك، زمان الكلام كله كان على مشاكلك، ولا تنسوا الفضل بينكم، وإنت إبن أصول وشهم وأصيل والمفروض متنساش".