طليقة حسن شاكوش لبسمة وهبة: انتي ضحكتي عليا ولعبتي بيا في "العرافة" والأخيرة ترد

مروة لبيب

مروة لبيب تاريخ النشر: الاثنين، 17 يوليو، 2023 | آخر تحديث: الاثنين، 17 يوليو، 2023

ريم طارق وبسمة وهبة

وجهت ريم طارق طليقة الفنان حسن شاكوش عتابا للإعلامية بسمة وهبة بسبب حلقتها في "العرافة"

وخلال لقائها مع برنامج "90 دقيقة" قالت ريم طارق لبسمة وهبة "انتي ضحكتي عليا لما قولتلك الكلام اللي قاله شيخ العرافين صدق وإن حسن فعلا متجوز عليا قولتيلي دا خراب بيوت يا ريم ومتصدقيش وطلع فعلا صح".

بسمة وهبة

لترد عليها بسمة وهبة "معنديش جواب ليكي، شيخ العرافين هو اللي عارف يعني حلقة شيخ الحارة هي السبب! ما انتي قعدتي بعدها كذا يوم" لترد ريم طارق " أنا اللي تلعب بيا".

ريم طارق

بسمة وهبة

وخلال الحلقة كشفت ريم طارق تفاصيل جديدة حول أزمتها التي استمرت طوال الأشهر الماضية.

وقالت ريم طارق "أهله اتواصلوا معانا وقالوا تعالوا نقعد على كافيه علشان نطلقها وبابا قالهم أنا ليا بيت وزي ما أخدها من بيتي يجي يطلقها ولو بنتي غلطانة أربيها مرضيوش".

واضافت ريم طارق "عملت إثبات حالة إن حاجتي في البيت معجبش أهله ولما طلعت على السوشيال ميديا بعتلي وقالي انتي بتكتبي عالسوشيال دي لعبتي أنا هتسلى عليكي أنتي وأهلك عليها".

نرشح لك - بإطلالتين مختلفتين ... ميرهان حسين تعود لمكانها المفضل في الساحل الشمالي

وتابعت ريم طارق "بدأوا ينزلوا صور لينا واتكتب عليها كلام وحش واتوصفت بإني سبوبة واللي يدفع أكتر والحقيقة إن حسن مجابليش حاجة ومصرفش عليا جنيه حتى في القايمة أمه رفضت تكتب قيمة القايمة وقالت نكتب الأوض وحسن عرض على أبويا يكتب المؤخر وصل أمانه وأبويا رفض.. كل اللي عمله حسن بسبب سر أنا اللي عارفاه ومش هقوله".

ريم طارق

كشف محمد أبو العلا، محامي المطرب حسن شاكوش، عن تطور جديدة في أزمة شاكوش وزوجته ريم طارق، وهي الأزمة التي استمرت على مدى الفترة الماضية.

ريم طارق

ومؤخرا، كشف محمد أبو العلا، محامي المطرب حسن شاكوش إنه قرر طلاق ريم طارق غيابيا وبشكل رسمي على يد مأذون، وجرى إثبات ذلك عبر مستند رسمي لدى نيابة أكتوبر، وذلك حسب تصريحاته لموقع ET بالعربي.

نرشح لك - ياسمين رحمي تتعرض لموقف محرج على الهواء … المذيعة قلعتها الباروكة

وكانت ريم طارق ظهرت مؤخرا في بث مباشر عبر حسابها بتطبيق Instagram لتوضح مستجدات أزمتهما.

أكدت ريم طارق رفضها التصالح بقولها: "مافيش حجة اسمها صلح، في مشكلة كبيرة إن بنت تتحملها مع جوزها أو عيب ماينفعش الواحدة تتحمله، وهي بتبقى عايزة تخرج بكل ود أو تشوف حل في المصيبة دي لأن هي مصيبة لأن هو دا اللي عايزه اقوله دلوقتي، اختيار غلط محدش يعتب علي، والحمدلله".

وعن قضية التمكين من منزل الزوجية، قالت: "الفكرة كلها أن أنا خدت تمكين عشان حاجتي وهدومي وكل حاجة متعلقة بيا، خرجت وجيت تاني يوم أخد حاجتي، وكدة كدة رفعت قضية طلاق، اتمكنا عشان اخد هدومي وحاجتي ورحت امبارح مع بابا، ووقف برا بعد ما حسن شاكوش طرده، وأهله وصلوا بعد نص ساعة، كدة كدة مش هينفع اعيش مع واحد مهددني بالقتل، وحلقة (شيخ الحارة) كل اللي اتقال فيها صدق وأنا اللي اتضحك علي".

واختتمت ريم طارق الفيديو قائلة: "أنا طلبت نتعرض على الطب الشرعي احنا الاتنين، انا لا واحدة مزقوقة ولا عايزة منك فلوس ولا فيلا لو كنا عايزين منك حاجة كنا كاتبناك على ورق كتير. كل اللي هقوله ان اي واحدة شايفة ان انا غلطانة تروح تتجوزه وتعيش معه وتقرر ايه اللي هيحصل وايه اللي مش هيحصل وهترضى بايه ومش هترضى بايه" (التفاصيل)