كشفت المطربة المغربية نوال عبد الشافي كواليس صناعة أغنية "مخاصماك"، التي حققت انتشارا كبيرا على السوشيال ميديا مؤخرا.
وقالت نوال عبد الشافي خلال لقائها مع الإعلامية ياسمين عز في برنامج "كلام الناس" المذاع عبر قناة MBC مصر: "أنا في البداية كنت مش عارفة موضوع الأغاني بيتم إزاي، وتعاونت مع ناس لهم اسمهم في الأغاني، لكن لقيت نفسي بعمل نفس الحاجة، وعلشان أنجح لازم أكون مختلفة".
نرشح لك - مزاد علني على "بدلة" لطيفة في كليب "بحب في غرامك" ... وصل ثمنها إلى 200 ألف دولار
وأضافت: "حد من السوشيال ميديا عندي قاللي لازم تقابلي منتج اسمه مصطفى السويفي، ممكن يلاقي حاجة مختلفة علشانك".
وتابعت: "قابلت المنتج مصطفى السويفي وسمعته الأغاني اللي عندي، وقاللي معلش الأغاني دي سيبيها شوية، لازم نفكر في حاجة مختلفة، وبعد يومين سمعني مخاصماك".
أوضحت نوال عبد الشافي أنها وجدت في البداية صعوبة في أداء أغنية مخاصماك بقولها: "الأغنية عجبتني لكن كنت مش عارفة إزاي هغني الكلام، ومصطفى السويفي صمم يا إما الأغنية دي أو أدور في سكة غيره".
وردا على سؤال هل حرصت على أن تكون انطلاقتها من مصر بأغنية باللهجة المصرية، قالت نوال عبد الشافي: "أنا كان تفكيري ألاقي أغنية حلوة بأي لهجة، ودورت كتير في المغرب ولم أوفق، ومخاصماك كانت وش الخير عليا".
تحدثت نوال عبد الشافي خلال اللقاء عن سر إتقانها اللهجة المصرية بقولها: "أنا مش عايشة في مصر، لكن أحضر لمصر كتير وخصوصا بعد ما قررت إني لازم أغني".
وتابعت: "قررت إني لازم أحضر لمصر كتير وأسمع الكلام الجديد في الشارع المصري، واحتكيت بناس كتير، وده خلاني ألقط كلمات".
اقرأ أيضا:
صور جديدة ورسالة ... أول ظهور لـ نسرين طافش بعد الانفصال
توفيق عكاشة وحياة الدرديري يوجهان الشكر للداخلية بعد القبض على سارقي فيلته: مليار شكر
لا يفوتك: معتز هشام: اعرف واحد شبه "ياسين" في ليه لأ 3 اخدت منه حاجات ونيللي كريم اكتشفت إني مابعرفش أسوق
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5