قبل أيام فاجأ الفنان أحمد سعد جمهوره بإعلانه عن أغنية جديدة دويتو مع الفنانة روبي دون الكشف عن أي من تفاصيلها، واكتفى "سعد" بنشر صورته مع روبي وكتابة جملة "قريبا".
وتواصل FilFan.com مع الشاعر فلبينو أحمد كاتب الأغنية الذي كشف لنا عن كواليسها وتفاصيلها.
في البداية تحدث فلبينو أحمد عن الأغنية وفريق العمل الذي تعاون معه فيها وقال: "الأغنية من ألحان أحمد طارق يحيى وتوزيع إسماعيل نصرت وأحمد طارق يحيى، اشتغلنا عليها ومأخدناش وقت طويل، هي أغنية رايقة مفيهاش فزلكة بسيطة وموجهة وتكون بين اتنين بينهم علاقة لذيذة".
وتابع: "الأغنية إنتاج مزيكا لما أحمد سعد وروبي سمعوها اتحمسوا جدا وظهرت كيميا ما بينهم وكل واحد غنى الجزء بتاعه بسرعة والموضوع كان بسيط جدا، هي الأغنية طالعة من القلب ففي قلوب كتيرة هتحس بيها، الهدف من الأغنية أنها تخلي الناس يحسوا الدنيا بسيطة والمعاكسات رايقة وجديدة".
وكشف الشاعر فلبينو أحمد عن اسم الأغنية وهو "يا ليالي" موضحا أنه قد يكون اسم معروف وبسيط لكنه ليس بالبسيط وقال: "الاسم باين عليه أن مفهوم موضوعه لكن اللحن والكلام مش بالبساطة دي ويارب يطلع بالبساطة دي التناقض دا أن تكون أغنية أنت عارف كلماتها وسمعت أصواتها لكن مش بالترتيب دا يطلع صوت جديد ومعاكسة جديدة محبوبة من اتنين كبار في السوق مفيش حد بيقدم في خفة أغانيهم، كنا بنحاول نعمل توازن بين اللي قدموه قبل كده واللي بيقدموه جديد".
وتمنى فلبينو أحمد أن تنال الأغنية رضا الجمهور لأنه يهتم كثيرا برأيهم وما يكتب له فهم يعطوه القوة لخوض تجارب جديدة خاصة أنه عمل لسنوات في مجال كتابة الإعلانات ويعتبر نفسه جديدا على مجال كتابة الأغاني ويتعلم ويحاول تقديم تجربة مختلفة، مضيفا: "أنا لسه جديد في موضوع كتابة الأغاني أنا طول عمري بكتب إعلانات السنة دي أول سنة ليا للتحول دا قدمت أغنية "لفينا الدنيا" مع مسلم ورضا البحراوي من فيلم "البعبع" وعملت أغنية "أموت أنا" مع محمود العسيلي، السنة كانت حلوة على شخص لسه بيبدأ في المجال أنا عاوز أقدم حاجة مختلفة تكون بسيطة وسهلة غرضها أني انبسط بشيء في النهاية يكون منطقي مش أني أقول أني بعرف أكتب وبفرض موهبتي وخلاص".
وأكد فلبينو أحمد أن ردود الفعل التي تلقاها على الأعمال التي قدمها خلال الفترة الماضية فاجأته خاصة بعد إعلان مؤسسة مجدي يعقوب "شبر ونص" وقال: "أنا لسه بتعلم المحتوى دا إزاي أوصله للناس وبلاقي ردود فعل بتخضني، الواحد بيحس أنه بيعمل شيء ليه معنى، زي إعلان "شبر ونص" اتفاجئت بأن الناس حست بالكلام والمشاعر الموجودة فيه، أنا بحاول أدخل في تحديات مختلفة عن شخصيتي كل الأغاني اللي قدمتها مش شبهي ومش شخصيتي ومش النوع اللي بسمعه وعاجبني أني بدخل أجرب في حاجات مش بجرب فيها وعاجبني أن الناس بتتقبل مني، عشان يبان قد إيه مصر بتدي فرصة لأي حد أنه يكبر من غير وسايط الموضوع معتمد على اللي عندك وتقدر تقدمه ومقدار الجهد المبذول وتراعي أن كل الناس ممكن يجيلهم فرصة يسمعوك فمش مجرد تصدرلهم اللي هما عاوزين يسمعوه أو اللي ينجح أنت تقلده".
وكشف فلبينو أحمد أنه يتعاون خلال الفترة المقبلة مع فنانين كبار وسعيد أنهم وثقوا فيه وأعطوه الفرصة لتقديم شيء جديد ولم يترددوا أو يخافوا من التغيير والإختلاف مضيفا: "أنا بسعى أني أنقل فكر جديد ومختلف عن طريق الأغاني".
اقرأ أيضا:
محمد هنيدي يرد لأول مرة على تصريح علاء مرسي ... هل كان سبب خسارته دور بطولة؟
محمد أنور وأحمد فهمي يحتفلان بفوز الأهلي وأوس أوس يقع ضحية "سطلانة" (فيديو)
عارفة عبد الرسول تثير عاصفة ضحك بصورة ... وتعلق: من فرحتي نسيت زراير المنطلون
ميريام فارس تقاوم حرارة الطقس بالبحر والبطيخ (صور)
لا يفوتك: معتز هشام: اعرف واحد شبه "ياسين" في ليه لأ 3 اخدت منه حاجات ونيللي كريم اكتشفت إني مابعرفش أسوق
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5