وجهت الإعلامية ياسمين عز نصائح للسيدات بمناسبة عيد الأضحى المبارك.

وقالت ياسمين عز خلال برنامجها "كلام الناس": "كلها كام يوم ويهل علينا العيد كل سنة وأنتم طيبين وحبيت ألفت نظر الستات لحاجة وهي إن أسبوع العيد معمول للزوج مش للستات".

نرشح لك - محمد محمود عبد العزيز لـ"في الفن": أتمنى العمل مع شقيقي "كريم" في السينما.. وأنا خارج "البيت بيتي 2"

وأضافت: "الراجل في أسبوع العيد لازم يرتاح من تعب الشغل ونضفي علشان الراجل يلاقي البيت فلة وشمعة".

وتابعت: "لو عندك وقت فراغ اشتري اتنين كيلو ممبار وشليهم في الفريزر وحطيهم علشان تطلعيهم وتحمريهم لجوزك في العيد بحذرك من حاجة لما يجي العيد متعملوش دوشة لجوزك جوزك بيبقي عاوز يقعد في هدوء".

وواصلت ياسمين عز: "بلاش خناقة الجردل والحلة بتاعة أول يوم العيد اللي هي بينك وبين حماتك وأخوات جوزك الغزلات على مين هياخد إيه من الأضحية، وكل واحدة ماسكة جردل أو حلة، ولكن محدش ليه حق يمسك الجردل غير حماتك وهي اللي تاخد عرق الفلتو والممبار والكبدة والمخ وتاخد اللي نفسها فيه حقها وأنت ماسكة حلة تاخدي لحمة المكعبات بتاعة الخضار".

وواصلت ياسمين عز: "حضري الأكل لجوزك من بدري بدال ما يروح مكان تاني حضري ممبارك وبفتيك ورقاك".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5