أورتيجا لـ عمرو مصطفى: انت هنت ناس ابتكرت مزيكا جديدة.. وجمهورنا يسفلت الكرة الأرضية

محمد أحمد

محمد أحمد تاريخ النشر: الجمعة، 16 يونيو، 2023 | آخر تحديث: الجمعة، 16 يونيو، 2023

أورتيجا وعمرو مصطفى

كشف مؤدي المهرجانات أورتيجا، موقفه من التصريحات الأخيرة للفنان عمرو مصطفى، بشأن أغاني المهرجانات.

وشارك أوريتجا، جمهوره بفيديو من حديث عمرو مصطفى عن مطربي المهرجانات، عبر حسابه الشخصي بموقع إنستجرام وعلق عليه قائلًا: "لا والله يا أستاذ عمرو يا كبير إحنا مش حرامية ومتجمعش، وزى ما أنت في الخليج وأوروبا إحنا من عشر سنين في الخليج وأوروبا".

نرشح لك: أول صورة لـ جوري بكر وزوجها بعد أخبار طلاقها

وأضاف: "أحما لينا جمهور يسفلت الكرة الأرضية تيجي أنت في ثانية تطلعنا حرامية، يا أستاذ إحنا صناع، وصناع لمطربين كبار في الوسط الفني، حضرتك متجمعش على حد قول على اللي سرقك أتكلم عنه بعد أذن حضرتك".

عمرو مصطفى

وتابع أورتيجا: "عمال أقول حضرتك وأنت تقول حرامية وبنتباها بيك إنك مصري وحد عظيم متخليش الواحد يكره نفسه بقى والله العظيم، أنت بتهين ناس ابتكرت مزيكا، جديدة طالعة من مصر مصرية الصنع والعالم كله بيتحاكة بيها في ثانية عيب والله بجد".

وتابع: "أنا لا بتاع تريند ولا بتاع سيط، ولا بتدخل في أي حاجة ولكن أنت بتسرق كل الناس لمجرد أن حد خد منك لحن أو أتنين أمشي قانوني زي ما حضرتك بتقول، بس أنت متغلطش في كل الناس، لأن في ناس بتصنع محتوه من لحن لكلام لمزيكا، وبتنزل وتسجل قانوني، وبتنجح نجاح كبير، زي ما أعمالك ما بتنجح بالظبط".

واختتم أورتيجا حديثه قائلًا: "أرجوك أنا بحبك وأنت زعلتني من طريقة كلامك عننا، والناس اللي ملهاش ذنب في اللي حضرتك بتقوله أنا حاولت أوصل لحضرتك معرفتش فقولت أقولك هنا".