وجهت الإعلامية رضوى الشربيني رسالة لوالدتها خلال استضافتها في برنامج "أنا والقناع"، الذي تقدمه الإعلامية منى عبدالوهاب، وهي في حالة من الانهيار والبكاء.

وقالت رضوى الشربيني: "كنتي دايما بتقولي لي إن بكرا لما أموت هتقولي ولا يوم من أيامك يا أمي، فلو إنتي سامعاني دلوقتي ... أنا بأقولها كل ثانية".

نرشح لك - 5 أسباب جعلت الجمهور يحب محمد سلام "موكوس" في "جت سليمة"

وروت رضوى الشربيني لأول مرة تفاصيل وفاة والدتها، وأن الأمر حدث وقت انتشار وباء كورونا، وحكت بطريقة مؤثرة أن المنزل بالكامل أصيب بكورونا، خاصة بعد أن تواصلت مع وزارة الصحة، والألم الذي شعرت به، بعد أن وجدت أن نسبة الأكسجين ضعيفة جدا، وكان لابد من نقلها للمستشفى.

وفي الوقت نفسه قالت والدتها "لو دخلتيني المستشفي أنا هاموت، هونت عليها وقلت لها أنه بس 48 ساعة هنظبط فيها الأكسجين، وبعد 12 يوم مرت وهي أصعب أيام في حياتي، وكان الدكتور بيبعت لي حد يديني حقنة عشان أقدر أشوف البيت وأعمل تحليل لكل الناس اللي في البيت وأروح لوالدتي وأتخانق مع الدكتور، وكنت باحمد ربنا إني كورونا ايجابي عشان اقدر اشوفها لغاية يوم اللي على غير العادة الدكتور كلمني وقالي تعالي شوفي مامتك عشان تتحسن وتبقي أحسن، فتعالي شوفيها فرحت علي طول، وكلمت اخويا محمد، وقلت له ماما عايزة تشوفنا، ووصلت الأول ومكانتش بترد لما باكلمها، ولما محمد جه فاقت وبعدين بصيت لي، وقالت لنا احنا الاتنين خلي بالكم علي بعض، وبعدين كل الأجهزة وقفت، وكل الأرقام عمالة تقع، ولما سألنا الدكتور إيه اللي بيحصل قالنا ده الطبيعي وخرجنا بره، ويوم الوفاة انا كنت رايحة لها في الطريق وكأني مستمعتش كلام الدكتور لقيت المساعدة بتاعته بتكلمني قبل ما أوصل بدقايق بسيطة بتبلغني ان والدتي اتوفت".

طالع أيضا - تشابهات واختلافات بين Tangled وحكاية دنيا سمير غانم في "أرض النعام" بـ"جت سليمة"

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5