كشف الفنان علاء مرسي كواليس مشاركته في مسلسل "الكبير أوي 7" وظهوره في بعض الحلقات في دور "عم فخري" الذي قام بخطف "مربوحة".

وحكى علاء مرسي خلال لقائه في برنامج "القاهرة اليوم" عن كواليس العمل مع رحمة أحمد قائلا: رحمة أحمد كانت مرعوبة من الديكور والمقشات، أنا كنت مهيأ لها الأجواء كانت في الكواليس قلقانة وبتقول للمخرج أحمد الجندي أنا خايفة منه هيعمل فيها إيه.

وتابع علاء مرسي متحدثا عن شخصية "عم فخري": أنا كنت قربت أتجنن بسبب "عم فخري" لما بتعمل شخصية وأنت حاببها ممكن يحصلك توحد معها أنا باقول للجمهور ثق أن أي عمل درامي بيكون فيه مجهود كبير، لو حضرت معانا يوم واحد تصوير بعد نص ساعة هتزهق وهتطلب تمشي لأن الثانية اللي بتتفرج عليها بتاخد مجهود 8 ساعات تصوير، المجهود بيأثر على الممثلين وكل العاملين في المهنة.

نرشح لك: بعد استخدامها لعلاج عبد العزيز مخيون في "سوق الكانتو"...ما هي فوائد "طاسة الخضة"؟

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5