بعد ظهورهما في "رامز نيفر إند"... محمد فؤاد ومصطفى كامل: جالنا الديسك

مي جودة

مي جودة تاريخ النشر: الأحد، 2 أبريل، 2023 | آخر تحديث:

محمد فؤاد ومصطفى كامل

نشر الفنان مصطفى كامل فيديو ظهر فيه هو والنجم محمد فؤاد يعلقان فيه على ظهورهما في برنامج "رامز نيفر إند" الذي يقدمه النجم رامز جلال.

وقال مصطفى كامل خلال الفيديو: "أنا وانت يافؤش بعد ما هزرنا في مقلب سئيل"، ليرد عليه محمد فؤاد: "جالنا ديسك وبلاوي".

مصطفى كامل

محمد فؤاد في برنامج رامز نيفر إند

وكان مصطفى كامل ظهر في الحلقة العاشرة من برنامج "رامز نيفر إند"، وسخر رامز جلال منه قائًلا: "صاحب بالين كداب وصاحب 3 منافق والنهاردة جايبين بتاع كله، مصطفى كامل اللي بدأ شاعر على قده وكله بيستقل بيه وزهقوا منه وقالوا واد زنان، وأكيد هيقول أي بتنجان ولما سمعوه جالهم هبل وجنان وكتب أغاني عملت قلبان، وقال هيغني ويعمل ألحان واتجنن وقال همثل كمان وأشطا يابا جابلنا حالة غثيان ورجعلنا بخبر انفجر زي البركان، واترشح لمنصب نقيب الموسيقيين ونجح وأدى لـ هاني شاكر كتف ونطره من المكان".

وفي الحلقة الثالثة من البرنامج، ظهر محمد فؤاد، الذي تعرض لإصابات أثناء الحلقة، وقال لـ رامز: إيه الدم ده، بجد فيه دم، ليرد رامز جلال قائلًا: بهزر معاك، ليرد عليه محمد فؤاد: أنت كنت هتموتني.