فاجأت النجمة سميرة سعيد المطربة الشابة هنا إبراهيم يسري بمداخلة هاتفية لها في برنامج "مساء dmc" حيث كانت هنا ضيفة على البرنامج، مع الإعلامي رامي رضوان.

وعبرت سميرة سعيد عن سعادتها بنجاح هنا إبراهيم يسري وأغنيتها "بنت أبويا" التي قدمتها في مسلسل "موضوع عائلي 2" وكشفت عن علاقتها بها وقالت: هنا زي بنتي اتربت مع شادي تقريبا كانوا طول الوقت مع بعض كبروا مع بعض، عيلتي وأسرتي هنا في مصر هي ومامتها مها والله يرحمه إبراهيم وميدو دول عيلتي وأصحابي.

وتابعت سميرة سعيد متحدثة عن هنا: فاجئتني مكنتش أعرف أنها بتغني، في يوم من 5 أو 6 سنين كنا في البيت عندي وفجأة بتغني حاجة أجنبي أنا ساعتها صعقت قلت هي مخبية الموهبة دي فين استغربت إني عمري ما عرفت أنها بتغني، وهي صغيرة كانت شاطرة وقلت هتبقى ممثلة لكن مطربة كانت بعيدة عن خيالي.

نرشح لك: إليسا تفاجئ هيفاء وهبي بالاحتفال بعيد ميلادها على المسرح - فيديو

وكشفت سميرة سعيد عن النصحية التي وجهتها لها قائلة: هنا مجتهدة ومن ساعة ما سمعتها أول مرة للنهاردة عملت مشوار واتقدمت واتحسنت بطريقة مذهلة لأنها أولا ذكية وثانيا هي عايزة تبقى مطربة كويسة، في الأول كانت بتسمع أجنبي بس نصحتها تسمع أم كلثوم وأسمهان وليلى مراد وحتى تسمعني وهي قعدت سنوات بتغني وتسمع كل حاجة والنتيجة بانت صوتها نضج وإحساسها هايل وأنا مش قلقانة عليها ومطمنة جدا وبتمنى ليها كل حاجة حلوة.

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5