ياسمين عز تنتقد دعاء النساء على أزواجهن: لا يمكن ترعبي الرجل وإحنا عايشين على وش الأرض

محمد سلطان محمود

محمد سلطان محمود تاريخ النشر: الأحد، 8 يناير، 2023 | آخر تحديث: الأحد، 8 يناير، 2023

ياسمين عز

انتقدت ياسمين عز مقدمة برنامج "كلام الناس" على قناة MBC مصر، دعاء بعض السيدات على أزواجهن.

وأكدت "عز" أن دعاء المرأة على زوجها لا معنى له، وأن مصطلح "دعوة الزوجة" لا قيمة حقيقية له، مؤكدة على دعمها للأزواج.

وقالت: "نسمع عن دعوة الصايم، دعوة الأم، دعوة المسافر، إنما دعوة الزوجة في الهباء المنثور كده؟ بتخوفيه يعني؟ لو معملش حاجة هتدعي عليه تثبت؟ بتبثي الرعب في قلبه وصدره؟ لا يمكن ترعبي الرجل وإحنا عايشين على وش الأرض، لا مش هيخاف وإحنا معاه".

نرشح لك- نزيف في المعدة وقلبه توقف 25 دقيقة ... الصحفية اللبنانية هنادي عيسى تكشف تفاصيل وفاة وديع جورج وسوف

وأضافت ياسمين عز عن دعاء الزوجات على أزواجهن: "أوعى تخاف إحنا جنبك، سيبها تدعي من هنا لبعد العشا، طالما أنت ماعملتش حاجة معها مش هيحصل حاجة، وإذا قالت لك منك لله، قول لها كلنا مننا لله، وإذا قالت لك روح يا شيخ، قول لها رايح وراجع بسرعة، خلى ردك حاضر وذهنك صافي ومخك شغال وعيونك مفتحة".

وأكدت: "أي دعوة كده ولا كده، لا تتأثر، طالما أنت راضي ربك وراضيها ومهننها وساعدها، الدنيا تمام ومش عامل حاجة غلط، ماتخافش، تخاف ليه؟ ربك موجود، هو أي حد يدعي على حد تستجاب؟ لأ طبعا".
وتداركت ياسمين عز موضحة: "الله أعلم إيه اللي يستجاب وإيه لأ"، ثم وجهت حديثها للنساء قائلة: "بركة البيت، تدعي عليه ليه؟ والنبي قوليلي عمل لك إيه؟ ده بركة في البيت، لو مشي من البيت هتحل اللعنة في البيت، خلي البركة موجودة واللعنة بعيد عنك".