نصائح ياسمين عز الغريبة لا تنقطع في برنامجها "كلام الناس"، وهذه المرة وجهت نصيحة بخصوص عدم استغلال راتب الزوج في الزينة واهتمام الزوجة بنفسها.

قالت ياسمين عز: "في موضوع بقى منتشر وأنا طالعة أحذر منه انهاردة، ماتجيش أول ما جوزك يقبض الفلوس أو المرتب أو الجمعية أو يجمع له قرشين من خيرات ربنا، تقولي له بقى اديني فلوس أعمل شعري بروتين، بروتين إيه يا مدام ما انتي عايشة طول عمرك بتسريحة الأناناسة، كلنا عايشين بالأناناسة، حبكت أول ما جوزك مسك فلوس في ايده عايزة تاخدي كبشة وتروحي تعملي بروتين لشعرك، لغوا البروتين مضروب في السوق، اسمعي مني أنا مذيعة، هو مش كويس ومضر بالصحة وبفلوس جوزك".

وأضافت: أقول لك أنا تعملي ايه، تجيبي بطة، وتعملي صينية بطة بالبرتقال، دا اللي هيفيدك، انما البروتين لشعرك عمره ما يفيدك، دا كسبتي جوزك واتغذيتي بروتين طبيعي، اللحم يعني بروتين، وخدتي فيتامين c من البرتقال، يفيد البشرة والشعر، وأنتي قمر وهو بدر منور، أوعي تفكري أن انتي أحلى منه، هو حلو بردو، محدش يجيب سيرة البروتين، وبلاش التقاليع الجديدة وجاية لنا من برا غلط.

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5