في مفارقة غريبة، كشف النجم محمد حماقي عن أنه تنبأ تقريبا بإصابته بجلطة في القلب عام 2011، خلال تحضيرات أغنيته "حاجة مستخبية".

وقال محمد حماقي خلال لقائه مع الفنانة إسعاد يونس ببرنامج "صاحبة السعادة" المذاع عبر قناة dmc إنه تعرض لأزمة صحية عام 2011، أثناء جلسات عمل الأغنية مع الملحن أحمد إبراهيم، وشعر بآلام في الظهر والكتف والصدر.

نرشح لك - بالصور والفيديو...هيفاء وهبي فراشة راقصة في حفل ليلة رأس السنة

وأضاف: "كنا اتفقنا على طبقة الأغنية والسرعة، وقلت لأحمد إبراهيم هروّح ونقعد مرة تانية، وكان المفروض أطلع من عنده لتوما الموزع الموسيقي نشتغل، لكن كلمته وقلتله هروح".

أوضح حماقي أن مدير أعماله ياسر خليل لعب دورا كبيرا في إنقاذه قائلا: "وصلت البيت وقست الضغط لقيته 160 على 110، فطلبت من ياسر يعدي على صيدلية ويجيب دوا للضغط، لكن الصيدلية رفضت لإني مش مريض بالضغط ولازم أعرف السبب".

طالع أيضا - أصالة وإليسا تتحولان إلى تامر حسني وبهاء سلطان في كواليس حفل "تريو نايت" (فيديو)

وتابع: "شربت كركديه وضغطي نزل، لكن بمجرد ما قمت ارتفع تاني، وروحنا لأقرب مستشفى، وعملنا رسم قلب، والدكتور طلب من ياسر ياخدني على مستشفى تاني بسرعة، ولو قابلته إشارة يكسرها".

وأكمل: "وصلت لقيت الناس منتظرة بكرسي متحرك، وخلال ساعة عملت عملية القسطرة ومشيت كويس، واتلحقت قبل ما تسبب خطورة".

وعلق محمد حماقي على ذلك الموقف ساخرا بقوله: "ليه أعمل أغنية في جوا قلبي حاجة مستخبية يجيلي جلطة في القلب!".

وأضاف: "وقتها نزلت إشاعات إن حماقي هيبطل الغنا، فاخترت اسم الألبوم من قلبي بغني".

تحدث حماقي خلال اللقاء عن قصة أغنية أخرى هي "ما بلاش"، التي تصور لقاءه الأخير بوالده الراحل قائلا: "آخر يوم كنا مع بعض كان في فرح بنت خالي، وكان مزاجه حلو ومنطلق وبيتحرك بين الطرابيزات بيسلم ويرحب ويهزر مع كل الناس، وبعد ما خلصت وقف معايا يهزر مع واحد صاحبي، وطلع من جيبه حاجة حلوة وقال حلي بقك على الغنا الحلو".

وأضاف: "بعد ما سلم عليا ومشي من الفرح، كلمني في التليفون وكانت مش عادته، وروحت بيتي والساعة 9 الصبح وصلني خبر الوفاة، وكانت صدمة كبيرة ومرحلة وحشة".

وعن ظروف اختيار أغنية "ما بلاش" تحديدا، قال: "كان عندي لحن أخذته من تامر علي قبل وفاة أبويا، وكان كاتب كلمتين عليه (ما بلاش تغيب عنا تاني..ما بلاش يا سايب اراضينا)، وفضلت فترة طويلة قاعد مع أمي في البيت ورافض أنزل أو أعمل حاجة، ويوميا أمير طعيمة كان بيحاول ينزلني من البيت، لغاية بعد أسبوع أو 10 أيام نزلت معاه وسمعته ما بلاش، وطلبت منه يكتبها".

وأشار محمد حماقي إلى الكوبليه الذي يصف لقاءه الأخير بوالده في الأغنية، وهو:

الحقيقه ان الحياه ضحكت علينا
لا الفراق ولا اللقا كانوا بايدينا
لما يومها حضنتني وبعدين مشينا
ليه مقولتش ان ده الحضن الأخير

كنت سيبني لحد آخر لحظه جنبك
سيبني اقولك قد ايه وازاي بحبك
مهما طال بينا البعاد مش هنسى حبك
واشوفك يوم على خير

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ