كشفت الفنانة فيفي عبده سر وصفة "السبع موجات" واستجابة دعائها في البحر.

وقالت فيفي عبده، خلال حلولها ضيفة على برنامج "كلام الناس": "أنا متعودة طول عمري أروح البحر أقرأ قرآن وأنا واقفة بنزل سبع موجات ورا بعض من غير ما خد نفسي علشان أغسل همومي وبتفائل بيها"، مؤكدة أن حياتها العملية تغيرت بعد دعائها في وسط البحر.

نرشح لك - محمد حماقي: عمرو مصطفى شخص مزعج ومش سلس في التعامل

وأضافت: "جالي فترة قعدت كذا سنة مش بشتغل وكان عندي حالة اكتئاب ووزني زاد، وروحت مارينا، ووقفت في الميه وبصيت لربنا وقلت له وحياة موجك تنصفني على كل اللي ظلموني، وحياة ربنا طلعت من المياه لقيت المنتج طالبني، وكتبت على اسمه بسم الله الرحمن الرحيم بعد ما طلعت من السبع موجات".

وذكرت أنها منذ تجسديها شخصية "كيداهم" في مسسلسل كيد النسا، وحياتها العملية تغيرت للأحسن، قائلة: "المنتج قال لي سمية الخشاب معايا، وعملنا كيداهم وافتحت الدنيا ما شاء الله كان مسلسلي نمرة واحد، وبعدين عملت مولد وصاحبه غايب مع هيفاء، ومسلسل كيداهم كل كلامي في المسلسل تأليفي عملت شخصيتي الطبيعية، لأن أنا تركيبتي وشخصيتي كده".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ