"ماما رمت طوبتنا ومي سليم مالهاش دعوة" ... سبب عدم زواج ميس ودانا حمدان

محمد سلطان محمود

محمد سلطان محمود تاريخ النشر: الأربعاء، 28 ديسمبر، 2022 | آخر تحديث:

ميس حمدان ومي سليم ودانا حمدان

قالت الفنانة دانا حمدان إنها من الصعب أن تدخل في علاقة حب بسبب طبيعة شخصيتها وطريقة تفكيرها المختلفة عن شقيقتيها مي سليم وميس حمدان.

وأوضحت دانا التي حلت ضيفة مع مي سليم وميس حمدان على الإعلامية لميس الحديدي ببرنامج "كلمة أخيرة" عبر قناة ON، الأسباب التي تدفعها لعدم الارتباط.

وأضافت: "محبتش، والناس بتسألني ليه مش بحب؟ وإجابتي إني مش بحب ولا حبيت فأنا إنسانه برجي الميزان الذي يحكم مواليده أكثر من العواطف".

نرشح لك- أصالة تتغزل في صورتها بالمرآة بعد عملية التجميل: أنا مهبولة على حالي (فيديو)

وتابعت دانا حمدان: "مفيش شخص قابلته وصلني لمرحلة الحب ممكن يبقى فيه تعود وإنبساط وكمياء لكنها كل حتة بتبقى لوحدها لكن لم أقابل من يوصلني لحالة أن أقول له بحبك".

والتقطت أطراف الحديث شقيقتها ميس حمدان، قائلة: "أنا زي أي بنت حبيت ولبست في الحيط وحبيت مرتين، لكني مؤمنة أن ده الشيء الوحيد الي مالوش تخطيط، وممكن اللي حبتهم قبل كده ورجعوا دلوقتي مايبقوش ماشيين مع متطلباتي، لكن زي أي بنت مريت بتجارب حلوة ووحشة".

وعقبت مي سليم: "كل واحدة فينا دماغها صعبة ودماغنا عنيدة وبشكلها وبطباعها وأمي تعبت معانا في حكاية الزن على الزواج، إحنا كنا أربعة، وأختي داليا تزوجت في دبي، لكن أمي تعبت معانا وفي الاخر رمت طوبتنا، وقالت في الأخر التلاتة دول يخناروا بمزاجهم زهقت".

وواصلت متحدثة عن تجربتيها السابقتين بالزواج: "التجربتين السابقتين مش ماثرين عليا، ومش قافلة الباب بالعكس عاوزة أتجوز وأخلف تاني، وليلي دلوقتي عندها عندها 11 سنة ونفسي يبقى عندي ولد، لكن لازم أكون متأكدة أن العلاقة الجاية مايبقاش فيها نسبة 1% أنها مش هتكمل".