ياسمين عز: كلامي عن كريستيانو رونالدو كان عشان ستر البنت ... وأمه مش راضية عن الجوازة

محمد سلطان محمود

محمد سلطان محمود تاريخ النشر: الجمعة، 16 ديسمبر، 2022 | آخر تحديث:

برنامج كلام الناس

كشفت ياسمين عز مقدمة برنامج "كلام الناس" على قناة MBC مصر، أنها تحدثت عن زواج كريستيانو رونالدو من صديقته جورجينا رودريجز بهدف ستر فتاة من علاقة غير مشروعة.

وأكدت ياسمين عز أن كريستيانو رونالدو يخشى الزواج من جورجينا رودريجز بسبب خوفه من حصولها على نصف ثروته في حال وقوع الطلاق.

وأضافت: "كريستيانو مايعملش حاجة أمه مش راضية عليها، وأمه عندها مشاكل في الموضوع ده، بتحبها، بس تيجي عند عقد الجواز وموقفة الموضوع".

نرشح لك- زهرة وأزواجها الـ12.. تفاصيل زيجات غادة عبد الرازق بعد انفصالها عن هيثم زنيتا

وتابعت ياسمين عز تصريحاتها المذاعة عبر شاشة MBC مصر: "يقدر يقول لها يا أمي غصب عنك هروح أتجوزها، مايحصلش، حياتهم بقى وهم دنيتهم بتوع بره مالناش دعوة بهم، وبقول الكلام ده للي بيقولوا لي ما هي مراته وأم عياله، حبيبتي مفيش عقد زواج، دخلتيني في تفاصيل مش عايزة أتكلم فيها أصلا".

وأكملت: "أنا دعيت دعوة للستر والجواز والرسالة الكويسة، وبكرر رسالتي مرة تانية لكريستيانو رونالدو الحلال مفيش أحلى منه، وربنا عمره ما هيكرمك طول ما أنت مجريها وراك، وأديك شفت ميسي لما أتجوز وأستقر ربنا كرمه إزاي، وصل للنهائي أهو وعمل أحسن بطولة في حياته وهو عمره 35 سنة، لا أتخانق مع مدربه في النادي ولا المنتخب، وعمال يكسر في أرقام قياسية".

واختتمت ياسمين عز: "مرة تانية يا كريستيانو، البنت خلي بالك منها، وربنا يصلح لكم الحال ويروق لكم البال ويرزقكم بالمال ويهدي لك جورجينا أم العيال".