كشفت الفنانة جليلة محمود عن سبب خوفها الشديد من الحسد، مما يجعلها ترفض ظهور أبنائها للناس.
وأوضحت جليلة محمود في مقابلة مع ياسمين عز ببرنامج "كلام الناس" عبر قناة mbc مصر، أنها فقدت ابنها قبل 24 عاما بسبب الحسد.
وأضافت: "عندي ابن راح بالحسد، فلا حابة ولادي حد يشوفهم ولا يعرف عنهم حاجة، ولا اتوجع تاني، لأن الوجع مستمر معايا من سنة 1998".
وتابعت جليلة محمود: "الحسد في كلمة، كلمة اتقالت وتليفون جالي، ابنك عمل حادثة، محدش شافه، كنت بقول عادي، عندي 3 صبيان وبنت، فاتقال لي ما أنتي اللي زيك يجيب ولاد، التليفون جالي، ابني راح".
وتابعت: "كان 18 سنة، سنة أولى كلية تجارة، وراح، فمبحبش حد يكلمني عن ولادي، محبش حد يقولي مين ولادك، محبش أنزل صور لولادي".
وأكدت ياسمين عز أن فريق الإعداد أخبرها قبل الحلقة أن جليلة محمود لا تحب أن يتم سؤالها عن أولادها، وأوضحت: "دايما لما ضيف يجب حاجة، معملهاش، لأن محبش حد يمشي من عندي زعلان، أنا مفهمتش ليه ومكنتش أعرف أن له علاقة بالحسد".
وردت جليلة محمود: "الحسد مذكور في القرآن، كنت في الأول صغيرة وولادي فرحانة بهم وباخدهم معايا في كل مكان، لكن بدعي ربنا إن ما يوجعنيش تاني ولا يوجعهم، لأن دي أصعب حاجة، يا رب ما حد يشوفها، فعلا دي أصعب حاجة ممكن واحدة تمر بها، الحمدلله على كل شيء وربنا يبارك فيهم".
اقرأ أيضا:
بعد غياب 15 عاما .. جاكي شان يعلن التحضير لـ Rush Hour 4 في مهرجان البحر الأحمر السينمائي
#شرطة_الموضة: هيفاء وهبي بفستان ذهبي قصير وفتحة V طويلة.. سعره يصل لـ70 ألف جنيه
#شرطة_الموضة: نانسي عجرم بقفطان قصير للغاية .. سعره يتجاوز 175 ألف جنيه
لا يفوتك: شرطة_الموضة : أخطاء وقعت فيها النجمات، درة ويسرا ونيللي كريم في اختيار فستان حفل افتتاح مهرجان البحر_الأحمر السينمائي الدولي
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ