إنجي علي: مبحبش المساواة بين الرجل والمرأة.. والستات خدوا حقهن تالت ومتلت

محمد أحمد

محمد أحمد تاريخ النشر: الخميس، 8 ديسمبر، 2022 | آخر تحديث: الخميس، 8 ديسمبر، 2022

إنجي علي

تحدثت الإعلامية إنجي علي، عن تصريحها السابق بأن المرأة كل المجتمع.

وأكدت إنجي علي، في تصريحات لبرنامج "أنا سعيد"، عبر قناة "القاهرة والناس"، أنها قالت هذا التصريح في سياق مُعين وليس الغرض منه إثارة الجدل، مشيرة إلى أنها ليست مع المساواة بين الرجل والمرأة، كما أنها ترى أن البحث والعمل على المساواة بين الرجل والمرأة هو أحد أسباب خلل المجتمع.

نرشح لك - تدافع وزحام وإغلاق كورنيش جدة.. إقبال جماهيري كبير على حفل ويجز في السعودية (فيديو)

وأضافت: "أنا ضد المساواة بين الراجل والست، وأنا النهاردة شايفة إن ده أحد الأسباب اللي عمل خلل في المجتمع، موضوع إن الست طول الوقت بتطلب المساواة، والستات النهاردة أخدوا حقهن تالت ومتلت على جميع المستويات، ده من وجهة نظري وده رأيي، الحياة كلها آدم وحواء من بدء الخليقة".

وتابعت: "لما قُلت تصريح إن المرأة كل المجتمع ده كان بصيغة مُعينة ومكنش بالمعنى ده، لأني مؤمنة جدًا إن الراجل مهم لأنه أبويا وأخويا وابني، والست كمان مهمة ولما كل واحد بيعرف دوره بالضبط ده بيكون مهم".

ونصحت إنجي علي المقبلين على الزواج، قائلة: "نصيحتي لناس كتيرة أوي وفي ناس هتكون ضدي، إننا كبرنا على أن الست بتتجوز وتخلف وتكون أسرة، ولكن أنا بشوف النهاردة إن موضوع الأطفال في الجواز لازم يكون مدروس صح".

واختتمت: "ممكن نتجوز ومنخلفش ده مش فرض، لأن الطفل ده هيبقى محتاج وقت وطاقة وفلوس وحاجات كتيرة جدًا، فمينفعش إن ربنا يديك رزق كبير زي طفل وأنت تهمله أو تديه لـ دادا أنا ضد ده تمامًا الأم أم، والأب أب ولازم يكون موجود".