معاملة القنفذ ... نصيحة ياسمين عز للتعامل مع مستخدمي وصف "عانس"

محمد سلطان محمود

محمد سلطان محمود تاريخ النشر: الخميس، 17 نوفمبر، 2022 | آخر تحديث: الخميس، 17 نوفمبر، 2022

ياسمين عز

تحدثت المذيعة ياسمين عز عن لقب "عانس" الذي يمنحه البعض للفتاة التي تتأخر في الزواج.

وقالت ياسمين عز خلال تقديم برنامج "كلام الناس" عبر قناة MBC مصر، إن كلمة "عانس" في حكم الدين الإسلامي تعتبر سوء أدب مع الله.

وأوضحت: "هتتجوزي جوازة غلط عشان مايقولوش عانس، بعدها هتصبري على جوازة غلط عشان مايقولوش فلانة اتطلقت بمفاهيم مجتمعنا".

نرشح لك- من بينهم إلهام شاهين وناهد السباعي ... النجوم يتزاحمون لمشاهدة فيلم "19 ب" في مهرجان القاهرة السينمائي

وتابعت ياسمين عز: "مفيش حاجة اسمها عانس، اسمها مطولة بالها عشان تاخد سيد الرجالة، مفيش حاجة اسمها هنفرح بكي أمتى، اسمها أفرحوا بنفسكم وأنا أفرح بنفسي لما ربنا يريد، الزواج كالأرزاق مقسمة".

ووجهت حديثها للفتيات مؤكدة أن السيدة التي تصف فتاة بكلمة "عانس" تعكس مدى تعاستها في زواجها، وقالت: "أول ما تقولك أنتي عانس أعرفي أنها فاشلة في حياتها، لأن مستحيل اللي ناجح في زيجته يتفوه بكلمة تجرح غيره اللي لسه ماتجوزش".

وأكملت: "لما تيجي طنط تقولك ماتجوزتيش ليه؟ قولي لها معلش خايفة أطل أغطي على الكل! والست اللي زي اللي قاصدة تأذيكي المخرفة المعقدة تعامليها معاملة القنفذ".

وأضافت ياسمين عز: "القنفذ لا يتحضن ولا يتباس، لا تسلمي عليها ولا تحضنيها ولا تتعاملي معاه ولا تيجي جنبها، تجاهليها، أعتزل ما يؤذيك عشان ماتسمعيش كلمة تؤذي روحك، مفيش حاجة اسمها عانس أو بايرة، ده كلمة فيها سوء أدب مع الله".