أكدت الفنانة غادة إبراهيم أنها لا تفوت فرض الصلاة حتى أثناء الانشغال في التصوير.

وقالت غادة إبراهيم خلال لقائها في برنامج "قعدة ستات" من تقديم مروة صبري عبر قناة "ألفا اليوم": بصلي في اللوكيشن بس مش قدام الناس، بخلي المساعدة تقفل عليا الباب وأقولها متقوليش أني بصلي قولي أني مريحة.

وأوضحت غادة إبراهيم سبب ما تفعله وقالت: أنا سمعت بوداني كانت فنانة كبيرة محترمة بتصلي وسمعت ناس معدية بتقول "عاملة أنها بتصلي" وأنا مش حابه أن الناس تقول بصلي عشان بستعرض، دي علاقة بيني وبين ربنا.

نرشح لك: أحمد السقا يشارك عمرو يوسف بطولة "الجبل" في رمضان 2023

وخلال اللقاء حكت غادة إبراهيم أنها خسرت الكثير من أموالها بسبب عمليات التجميل، وقالت: أنا لما بكتئب باكل عكس كل البشر، وأنا إسكندرانية وشاطرة في المطبخ، وجدتي لوالدي مغربية فبعمل أكل من المطبخ المغربي وبتخن، عملت شفط دهون من 2014 ووقت الأزمة في 2016 عملت نحت للجسم قاعدة فاضية مبعملش حاجة ومكتئبة.

وتابعت: العمليات خدت كل فلوسي خاصة أني بروح لمستشفيات نضيفة ودكاترة شياكة فبدفع كتير.

وأوضحت غادة إبراهيم إنها قبل التمثيل كانت نحيفة للغاية وقت ممارستها لرياضة الإسكواش قائلة: زمان كنت بلعب إسكواش وكنت أنحف من كده أنا دلوقتي 66 كيلو لكن لازم أنزل 6 كيلو قبل أي شغل لأن الكاميرا بتزود الوزن.

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5