تامر أمين: قرصت على شيرين عبد الوهاب زيادة بس مظلمتهاش ... ورفضت منصب مهم في الأمم المتحدة

محمد سلطان محمود

محمد سلطان محمود تاريخ النشر: الجمعة، 4 نوفمبر، 2022 | آخر تحديث: الجمعة، 4 نوفمبر، 2022

تامر أمين

أكد الإعلامي تامر أمين أنه أساء التعامل مع الفنانة شيرين عبد الوهاب.

وأوضح تامر أمين في حوار من كواليس مقابلته مع الإعلامية أسما إبراهيم في برنامج "حبر سري" عبر قناة القاهرة والناس، أنه بالغ في ردة فعله تجاه شيرين عبد الوهاب، وقت تصريحاتها المثيرة للجدل أثناء بعض حفلاتها.

وقال: "أعترف إني قرصت عليها شوية وقت انتقادي لها، بس حبا، لأن أنا من أكتر الناس المؤمنين بموهبة وصوت وإحساس شيرين، عشان كده كنت زعلان منها وعليها لما تخطيء الأخطاء الساذجة دي على المسرح".

نرشح لك- إيمي سمير غانم تتنكر لمفاجأة حسن الرداد في جدة ... رومانسية الزوجين تظهر للمرة الأولى (فيديو)

وأضاف تامر أمين: "مظلمتش شيرين، لكن قرصت، لأن عمري ما بظلم حد، لإني بنتقد رد فعل مش فعل".

في سياق آخر أكد أنه لم يضيع أي فرصة عمل، قائلا: "كان جاي لي عام 2012 منصب كويس في الأمم المتحدة، بس اعتذرت عنه عشان أنا بعشق حاجة الإعلام، وكرسي المذيع بالنسبة لي هو الغاية، فمعتقدش أنها فرصة وضاعت".

وتابع: "طبعا هي بالنسبة لناس كتير فرصة، وبالنسبة لي كانت هتبقى وضع مالي وسياسي مهم، لكن أنا مبسوط باللي أنا فيه".

وأشار تامر أمين إلى أنه يرفض كتابة أي شيء بالحبر السري، موضحا: "أكتر حاجة بكرهها في حياتي هي الحبر السري، لأن ده حاجة لا يجب أن الناس تعرفها، دي حاجة بتضايقني جدا، وأنا شغلتي إن أعرف الناس، وحق المعرفة لازم يوصل لكل الناس، فبأي حاجة بحبر معناها أنها لازم تتكتم وتستخبى وأنا ضدها".