حل مطرب الراب ويجز ضيفا على هيئة الإذاعة البريطانية BBC، وتحدث خلال اللقاء عن التحديات التي تواجه مشهد الراب في مصر، والصعوبات التي قابلها في بدايته، وأيضا تطلعاته المستقبلية.

أوضح ويجز أنه لا يحبذ فكرة اتخاذه كقدوة أو مثل أعلى للشاب، معربا عن سعادته بتعرف شريحة كبيرة من الآباء والأمهات على أغانيه من خلال أبنائهم، وكشف عن اللحظة التي يمكن أن يفكر فيها في اعتزال الغناء، ونستعرض في السطور التالية تصريحاته لـ BBC.

نرشح لك - رفع العلم الفلسطيني وقدم هذه الأغنية على المسرح لأول مرة ... لقطات من حفل ويجز في لندن

تحديات مشهد الراب في مصر

خلال اللقاء عبر ويجز عن مخاوفه على مستقبل الراب قائلا: "الراب في مصر بيواجه قيود، وبيتربط بعادات وتقاليد المفروض تكون إتلغت، لإن العالم كله بيتغير".

وأضاف: "أي حد ممكن يحافظ على نفسه ويسمع اللي المفروض يسمعه، مش لازم ياخد حاجة تانية من المطرب".

طالع أيضا - #اقاله_مصطفى_كامل ... حملة إلكترونية للمطالبة بإقالة نقيب الموسيقيين بعد تغريم عفروتو ومروان بابلو

وتابع: "طول ما في قيود الإبداع بيقل، ومش عايزين المساحة الإبداعية تتخطف منا، نفسي الموضوع يبقى سلس أكثر من كده".

صعوبات البداية

تحدث ويجز عن فترات صعبة مر بها في بداية مسيرته قائلا: " كان عندي أوقات كنت المفروض أسيب فيها كل حاجة، لكن كان لازم أتعلم الانضباط وإني أكون متسق مع نفسي، وإزاي أكون فنان عشان أتجنب الاختفاء بعد شوية".

وأضاف: "لازم تدي نفسك الاحترام والتقدير اللي تستحقه بعد ما تعمل حاجة، وأنا لا أضع نفسي تحت ضغط كتابة أغنية، ولا أنسى إني إنسان ممكن أغلط عادي، وأكافئ نفسي لما أحسن من نفسي".

الابتعاد عن الراب في هذه اللحظة

لم يستبعد ويجز فكرة اعتزال الراب، وأشار إلى اللحظة التي يمكن أن يقدم فيها على هذا القرار بقوله: "أنا شغال، ووقت لما أحس إني ابتديت أخرف وأعمل حاجة شكلها لا يليق بيا ولا بالناس هشوف شغلانة تانية".

وتابع: "من دلوقتي بحاول أتعلم عايز أستثمر في إيه لما أكبر شوية، وإزاي ممكن أساعد الناس اللي بتحب تعمل مزيكا، نفسي أعمل أستوديو، وعندي خطط بعيد عن الفن".

حفلات للمصريين في أوروبا

كشف ويجز عن رغبته في عمل جولة غنائية أوروبية قائلا: "عايز أتفسح في أوروبا، في لندن، في برلين وأعمل حفلة هناك، عايز أعمل حفلات للمصريين في أوروبا، وأرجع مصر وأرجع أوروبا مرة تانية".

وأكمل: "السفر شيء جميل، وأي حد عايز يتعرف على نفسه يبتدي بالسفر".

الغناء بلغات أخرى

تطرق الحوار إلى فكرة تقديم ويجز أغانيه بلغة أخرى غير العربية، ليبدي بعض التردد لكنه لم يستبعد هذه الخطوة.

وقال ويجز: "مش عارف لو بكتب بنفس القوة والسرعة بلغات تانية، كانت مشكلة عندي زمان ودلوقتي عادي، ممكن أبقى عايز أغني لحد مش فاهم عربي، لكن في نفس الوقت عايز مزيكتي تفضل عربي، ومفيش عندي مشكلة أعمل أغنية مع فنان من أوروبا لو حاجة حلوة".

ويجز والأجيال الجديدة

يعتبر ويجز أن الأجيال صغيرة السن كانت بوابة تعرف عليه من خلالها جيل أكبر عمرا، لم يكن يسمعه في السابق بسبب سرعة وصعوبة فهم كلمات أغانيه، وهذا ما أوضحه قائلا: "الصغيرين هما السبب في أن أبهات وأمهات كتير بقوا يسمعوني".

وأضاف: "في ناس بتكلمني وتقول إحنا سمعناك أكتر من مرة وفهمناك، ومبسوط إنهم إدوني فرصة عشان يفهموني، ونفسي يعملوا كده مع كل شباب الراب، إديهم ودنك عشان تفهم وتتواصل مع ابنك".

هل ويجز قدوة للشباب؟

رفض ويجز هذه الفكرة قائلا: "أنا مش مثل أعلى لحد، ممكن تعتبرني رحلة لواحد عمل مزيكا وسافر برا واتعلم، لكن تاخدني قدوة وتقلدني لأ، إنت ممكن تبقى أحسن مني في كل حاجة".

انتشار الراب العربي

يرى ويجز أن الراب من الأنواع الموسيقية الرائجة في المنطقة العربية، وهو ما تحدث عنه قائلا: "الشباب في المنطقة دي بيحبوا هذا النوع من الموسيقى، وإنت لو مصري ممكن تسمع السوداني أو السعودي أو الأردني لإنها بالعربي".

وأوضح ويجز أن رحلته مع الراب بدأت من الطفولة قائلا: "قضيت معظم طفولتي بسمع راب، زي موبي ديب، وجستن بيبر، لإنه بيغير لونه في أي وقت، ودريك، أنا بحب الفنان لما يقدر يتغير".

وفي ختام مقابلته مع BBC، كشف ويجز عن رأيه في تجربة المأكولات في لندن قائلا: "لازم حد من مصر يسافر يعلمهم كلهم أكل مصري، أو أكل لبناني، أنا بحب أكتشف أماكن جديدة، والأكل بالنسبالي للاستمرار في الحياة، وبحب آكل حاجات بحبها فعلا".

وأحيا ويجز مساء الخميس 27 أكتوبر حفلا غنائيا كبيرا في العاصمة البريطانية لندن، وهي المرة الأولى التي يقابل فيها جمهورها هناك.

أقيم الحفل على مسرح O2 Shepherd’s Bush Empire ورفع شعار كامل العدد.

ورفع ويجز علم فلسطين خلال الحفل، تأكيدا منه على دعمه للقضية الفلسطينية، كما شاركه مطرب الراب الفلسطيني شب جديد وقدما سويا أغنية "إن إن".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5