مخرج مسلسل "مجنونة بيك": تعمدت اختيار أمير المصري وآدم الشرقاوي بسبب لكنتهما الأجنبية

محمد سلطان محمود

محمد سلطان محمود تاريخ النشر: الثلاثاء، 25 أكتوبر، 2022 | آخر تحديث: الثلاثاء، 25 أكتوبر، 2022

أبطال مسلسل مجنونة بيك

كشف المخرج جو بو عيد عن أسباب اختياره للفنانين أمير المصري وآدم الشرقاوي لبطولة مسلسل "مجنونة بيك" رغم لكنتهما في الحديث باللغة العربية.

وأوضح بو عيد في تصريحات لبرنامج "MBC Trending" أنه تعمد اختيارهما سويا لمشاركة مريم الخشت بطولة المسلسل.

وأضاف: "الاتنين جايين من خلفية بيتكلموا أجنبي وتحسهم نصهم مصري ونص أجنبي، وده بيفيد المشروع، وعشان كده وقع الاختيار على الشخصيتين".

نرشح لك- بسمة وهبة تدافع عن حسام حبيب: مش مدمن لكن عنده حاجة بتخليه يزعل شيرين عبد الوهاب

وتابع جو بو عيد: "شفت شغل أمير في فيلم Limbo، وأعمال آدم كانت تحفة، فحسيت أن الإتنين يقدروا يشكلوا ثنائي أمام مريم الخشت".

من جانبه قال أمير المصري إنه كان متخوفا من تقديم المشاهد الاستعراضية الغنائية في حلقات "مجنونة بيك"، قائلا: "أي حاجة تخوفني لازم أعملها".

وأشار إلى أنه رفض مشاهدة حلقات المسلسل الأصلي " Crazy Ex-Girlfriend" موضحا: "شفت فيديوهات على يوتيوب، عشان محبتش أقلد الدور، بس هو مسلسل ناجح جدا، والورق ضحكني وبرافو للمؤلف عمرو مدحت عشان عرف يمصره بستايل مصري، محستش بروح أجنبي".

فيما أكد آدم الشرقاوي أنه فعل العكس، قائلا: "شفت المسلسل الأمريكاني وحبيته، بس كنت عايز أعمل حاجة مختلفة بشخصية علي".

وتابع: "مش عايز أعيب على المسلسل التاني، بس كنت عايز أدخل في حاجات مختلفة".