أعرب الفنان علي الحجار عن سعادته بمشاركة الغناء مع الفنان محمد الحلو، على مسرح النافورة بدار الأوبرا المصرية، في الليلة الخامسة من مهرجان الموسيقى العربية في دورته الـ 31، الذي تنقله شبكة تلفزيون الحياة حصريا عبر شاشتها.

أكد الحجار في حواره مع الإعلامية آية الغرياني عبر قناة الحياة، أنه تجمعه علاقة صداقة بالفنان محمد الحلو منذ أن كانا في عمر 18 عاما، مضيفا: "محمد عنده تاريخ كبير جدا، والجمهور اللي جايله مخصوص النهاردة جمهور سمّيع أوي.. محمد الحلو عنده كل الأنواع من الأغاني وناجح فيها كلها".

نرشح لك- بعد أزمتها الأخيرة.. حلمي بكر يكشف السبب الحقيقي لانفصال شيرين عن والد بناتها

وفيما يتعلق بمشاركته في المهرجان، أوضح الحجار أنه يشارك فيه منذ 31 عاما بشكل سنوي، وبالتالي علاقته مميزة للغاية بهذه الفعالية وبجمهورها كذلك، قائلا: "لو حد حط نفسه مكاني إنه من 31 سنة بيغني في المهرجان كل سنة، هيكتشف بعد كل سنتين تلاتة جيل تاني من الجمهور بيبدأ يجي مع أهله ثم بعد 5 أو 6 سنين بيبقي هو كبر وجاي بأصحابه من غير أهله، فكل شوية الواحد بيستفيد من أراء الجمهور مع تغير أنواع الموسيقى وطريقة سمع الأجيال المختلفة.. وده بيديني علامات وطاقة في مشواري".

في نفس السياق، أشار إلى أن السوشيال ميديا ساهمت في انتشار أغاني قديمة بين الأجيال الجديدة، قائلا: "السوشيال ميديا ليها ميزة كويسة إن لما بينزل عليها الأغاني القديمة بتجيب جمهور جديد، مثلا أغنية (سمرا وبعيون كحيلة) نزلت سنة 1992 في جيل مكنش اتولد ساعة ما نزلت بقى دلوقت بيطلبها مني في الحفلات".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5