أعلنت الإعلامية دعاء فاروق، تقديمها بلاغً ضد شخص اعتدى على زوجته وأبنائه، كاشفة أن الزوجة تعمل في منزلها.
كتبت دعاء فاروق عبر حسابها بموقع Facebook: "لحد امتي الستات هتفضل تتهان وتتمرمط ومحدش يعرف يجيب لها حقها ... رباب الست المحترمة اللي بتشتغل عندى بقالها ١٣ سنة ربت لي عيالي وصانت اكل عيشها معايا وحافظت علي بيتي بمنتهي الأمانة اشهد لها بالنضافة والأمانة والأدب والاخلاص والأخلاق، شقيانة طول عمرها عشان تربي بنتها وابنها أحسن تربية ومتجوزة بلطجي شمام بيضرب حشيش بفلوس شقاها وشغلها عندي".
وتابعت: أنا هنزل اعمل فيه بلاغ حالا لانه بيهددها بأنه يرمي في وشها ماية نار الضلالي اللي سرق عفشها كله ونقله علي بيت امه، وسرق جهاز بنتها العروسة اللي غصب عني مضطرة اقول ان انا اللي بجهزها من عندى من المعارض سرق كل ده وطردهم من شقتهم اللي انا اسفة اني مضطرة اقول اني بدفع لها إيجارها وتأمينها وبيهدد الست صاحبة البيت انه عاوز التأمين وإلا هيفك موتور الماية وهياخده بلطجة كده.
وأضافت: الست بتجيلي يوماتي جسمها ازرق من كتر الضرب اللي في جسمها وبيكتم بقها وبيعذبها حرفيا، بياخد فلوسها يشرب بيها حشيش ويضربها ياما قلت لها اطلقي وامشي اطلقي وسيبيله كل حاجة وامشي تقوللي اخاف ياخد مني عيالي، دلوقتي رباب في غيبوبة سكر وعيالها كلموني بيستنجدوا بيا ومنهارين علي امهم الشقيانه ومش طايقين ابوهم اللي راح يسحب ورق الولد من المدرسة مش عاوزه يتعلم وبيهددهم انه هيحرق قلبهم علي امهم.
واختتمت كاتبة: طيب يا راجل يا ضلالي ياللي سرقت عفش وجهاز بنتك اللي مراتك جايباه من شقاها انا هعمل بلاغ رسمي للجهات الرسمية فيك وهنزل حالا اجيب حق رباب بالقانون قبل ما تتقتل فطيس ... هلحق الجريمة قبل ما تحصل وبالمرة هروح اعمل محضر عدم تعرض لانه اكتر من مرة يهددها انه هيضايقني... طيب يا بلطجي عصرك واوانك انا ببعت استغاثة للجهات الأمنية عشان انقذ الست الغلبانة وعيالك الغلابة اللي بيكلموني مفطورين من العياط من بطشك وظلمك وقلة أدبك.
اقرأ أيضا:
بعد انسجامهما في The Blind Date Show.. لينة الطهطاوي تسافر لحضور حفل عزيز مرقة في الأردن
صورة حسن شاكوش وأحمد بهاء تزين ميدان تايمز سكوير الأمريكي
مغني المهرجانات مسلم يعلن اعتزاله: المجال لا يناسبني.. أشوفكم على خير
لا يفوتك: تحليل النغمات مع عمك البات- تقييم أغنية "دلوقتي عجبناكم" لبهاء سلطان
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ