فيفي عبده: لساني بيقف إني اقرأ قرآن ... وباحب كل الناس ماعدا فيفي عبده

محمد سلطان محمود

محمد سلطان محمود تاريخ النشر: الأربعاء، 14 سبتمبر، 2022 | آخر تحديث: الأربعاء، 14 سبتمبر، 2022

فيفي عبده

كشفت الفنانة فيفي عبده عن تقصيرها في حق نفسها، ومعاناتها مع الحسد.

وقالت فيفي عبده في بث مباشر عبر حسابها على Instagram، إنها ابتعدت عن متابعيها خلال الفترة الماضية وأهملت في التواصل معهم، بسبب مرضها.

وأوضحت: "مابقتش أفتح اللايف، أنا اللي علمت العالم كله يفتح لايف، إزاي حصل لي كده؟ أنا كنت ملكة الأونلاين".

نرشح لك- المنديل الأبيض وصل بالطائرة والعروس عقدت القران ومذيعة تهنئ من أمام الكعبة ... قصة الجدل حول زواج البلوجر أحمد إبراهيم وزينة أشرف

وأكدت فيفي عبده أنها عانت من حساسية بسبب نزول البحر، رغم تحذير الطبيبة لها، لكنها كانت تحاول الحصول على "السبع موجات"، وهو طقس في الموروثات الشعبية للتخلص من الحسد والسحر، وقالت: "جابت لي الحساسية، دايما بنزل أخد 7 موجات، واتفائل، المرة دي نزلت طلعت بالحساسية المتينة، أوعوا تسمعوا الكلام ده تاني".

وتابعت: "كنت محتاجة أطلع واتكلم معاكم، إزاي استسلمت للسرير المدة دي كلها، دي حاجة مش إيجابية بالنسبة لي، عشان أنا متعودة على الرشاقة والعطاء، وأن الناس بتتابعي عشان بنصحهم إزاي ياخدوا الطاقة مني".

وأكدت فيفي عبده في البث الذي استمر لأكثر من ساعة، أنها ذهبت إلى الساحل الشمالي لقضاء إجازة الصيف، بعد انتهاء الجميع من عطلاتهم، قائلة: "أنا جيت عشان كان عندي مجاملات، الحقيقة أنا بحب كل الناس ماعدا فيفي عبده".

وأضافت: "هبتدي أغير الكلام ده، لازم أحب فيفي، هو العمر بيتعاش كام مرة؟ اتعودوا أن كل يوم هطلع وأحكي لكم حكايات حياتي، عيشتها إزاي وهعيشها إزاي، وهخرق عين اللي بيحسدوني إزاي".

وتطرقت فيفي عبده إلى تعرضها للحسد قائلة: "مفيش فايدة في أزرق ولا بنفسجي ولا أي حاجة، مفيش فايدة والله، تصوروا أن ساعات بابقي عايزة اقرأ قرآن في وش اللي بيكلمني، لساني يقف عن إن اقرأ قرآن".

وأكدت فيفي أنها قررت الاستقرار في الساحل الشمالي والانعزال عن الآخرين، موضحة: "هطلع لايف وأرقص وأدربكم وأدرب العالم كله، أنا أديت فرص، إيه الفرص اللي إديتها للناس، الله يسهل".

وكشفت عن سبب خروجها في البث المباشر قائلة: "بيلمحوا إني مش موجودة، بيلمحوا إني عيانة، بيلمحوا إن أنا متت، الله يخرب بيوتهم".