ناهد السباعي: يا فرحتي بمسلسل وحش في رمضان..ليه أضيع مستقبلي؟

محمد سليم

محمد سليم تاريخ النشر: الاثنين، 22 أغسطس، 2022 | آخر تحديث:

ناهد السباعي

قالت الفنانة ناهد السباعي إن فكرة خوض السباق الرمضاني بمسلسل كل عام لا تشغلها.

وأضافت خلال حوارها مع الإعلامي عمرو أديب ببرنامج "الحكاية" المذاع عبر قناة MBC مصر : "أنا عملت ده في مسلسل هبة رجل الغراب، واتعرض منه 30 حلقة في رمضان، وفي مسلسل النهاية مع يوسف الشريف".

نرشح لك - إسلام إبراهيم يهاجم والد المطرب النقاش: الناس مش بتخلف العيال عشان تستعبدهم

وتابعت: "ممكن يبقى عندي مسلسل بطولتي في رمضان لكن مسلسل وحش، ليه أضيع مستقبلي؟ ده هدف وحلم بالنسبة لممثلين كتير، لكن لازم يتعمل صح".

ناهد السباعي

وأوضحت ناهد السباعي أنها تفضل عدم تقديم مسلسل كل عام في رمضان قائلة: "أنا باتبسط لما الناس تقول وحشتينا، ومسلسل كل سنة أو سنتين أحسن، عشان الجمهور يعرف يفرق بين المسلسلات، الجهور دلوقتي مش قادر يفرق ونفس النجم بيتكرر ثلاث وأربع وخمس سنين".

طالع أيضا - خاص ناقد موسيقي: كليب محمد رمضان "ماركبش بسكلته" فاحش ومنحط ومتردي

ناهد السباعي

وعلقت ناهد السباعي على فكرة تنفيذ حكم الإعدام في قاتل الطالبة نيرة أشرف علنا قائلة: "حبيت كلام القاضي قبل النطق بالحكم جدا، وأنا مش ضد إننا نشوف محاكمته والناس تشوف، زي ما البنت اتعمل فيها كده قدام الناس الجزاء يكون من جنس العمل، ممكن ناس تانية تخاف تعمل كده".

ناهد السباعي

يذكر أن ناهد السباعي شاركت مؤخرا في مسلسل "منورة بأهلها" من تأليف محمد أمين راضي، إخراج يسري نصر الله، وبطولة ليلى علوي، غادة عادل، أحمد السعدني، باسم سمرة، رانيا يوسف، سلوى خطاب، سلوى محمد علي، محمد حاتم وعباس أبو الحسن.