محمود سعد : بحترم أبويا وخايف أحكي عنه أمي تزعل في التربة

محمد سليم

محمد سليم تاريخ النشر: الأحد، 7 أغسطس، 2022 | آخر تحديث:

محمود سعد

من جديد، تحدث الإعلامي محمود سعد عن علاقته بوالده، وذلك بعد أيام من خروجه في بث مباشر عبر موقع التواصل الاجتماعي فيسبوك، ذكر فيه أنه لم يكن يحب والده.

وقال محمود سعد خلال تقديمه حلقة من برنامج "ونس" عبر قناته بموقع يوتيوب : "أنا شوفت إنسان قاسي، وما حكيتش أي قصص عن اللي حصل لي مع أبويا، لإني خايف من أمي لما أنزل لها التربة، لإنها هتزعل، وما حكيته مقتطفات سريعة عشان الناس تستفيد".

نرشح لك - معارك التسعينات – عمرو دياب ومحمد فؤاد .. الفرق بين المشروع والمشوار (4)

وأضاف : "لما عملت بث على فيسبوك، إتكلمت عن الراجل اللي لا بحبه ولا بحترمه، اللي مبيديش ورث لبنت، ويسيب مراته تشتغل وتتبهدل وهو قاعد على القهوة، وينفصل عن زوجته ولا يرعى ولاده ماديا ونفسيا وفكريا".

محمود سعد

وتابع : "لكن لما أتكلم عن أبويا، الأب محترم في كل الأوضاع، ممكن تحبه أو لا تحبه، وأبويا كنت بحترمه جدا".

محمود سعد

طالع أيضا - مايوهات نجمات الزمن الجميل .. 30 صورة تتحدى الصيف بالبيكيني

وكان محمود سعد قد وصف في البث المباشر شعوره بعد وفاة والده قائلا : "لما والدي توفى متأثرتش ولا كنت حاسس بحاجة، أنا حتى مش فاكر هو مات امتى، أن أبويا كان خالع نفسه من حياتنا رغم أنه كان غني، ورغم إن تربية أمي نجحت ومطلعتش مجرم ولا صايع، لكن لغاية دلوقتي لما اسمع حد بيتكلم عن أبوه بتضايق، ولما كبرت بقيت أقول أبويا قالي إيه أو إيه الذكرى اللي سابهالي ملقتش حاجة"

محمود سعد