كشف الفنان محمد علي رزق عن توقعه لفوز فريق الأهلي في لقاء القمة اليوم أمام الزمالك.

وأوضح محمد علي رزق أثناء استضافته في برنامج "عيش صباحك" مع يوسف التهامي وفانا إمام عبر محطة نجوم إف إم، أنه معروف بانتمائه للأهلي وهو ما يجعله يتوقع فوزه.

وقال: "كام كام دي بتاعة ربنا، ودي توقعات وباتمنى أن الأهلي يكسب، هتقول لي ليه هقولك معرفش".

نرشح لك- حصل على تنازل مُسبق منه.. سامو زين يعلن عن تعاون جديد مع حسن أبو السعود (مستند)

وأضاف محمد علي رزق: "عادة بنسبة 70% توقعي بيبقى سليم، فربنا يستر والنهاردة يبقوا من الـ70 مش الـ30، ماتش النهاردة مش هيبقى فيه أجوال كتير، بس هيبقى في فرق جول للأهلي، النتيجة 2-1".

وتحدث عن طقوسه في مشاهدة المباريات موضحا أنه ينعزل في غرفة بمفرده ولا يسمح لزوجته بالدخول أثناء المباراة، وقال: "مراتي زملكاوية وممنوع أن هي تدخل عليا الأوضة وأنا بتفرج".

وكشف محمد علي رزق أن علاقته بزوجته كادت أن تنتهي قبل أن تبدأ بسبب هدف محمد مجدي أفشة في نهائي دوري أبطال إفريقيا 2020، وقال: "الماتش الوحيد اللي شفناه سوا أيام ما كنا متصاحبين، فكنا جايين على نفسنا احنا الإتنين".

وتابع: "علاقتنا كانت هتبوظ قبل ما تبدأ بسبب كلمة القاضية ممكن، قمت أجري في الكافيه زي المجنون ونسيت أن أنا ممثل، وقعدت أقول القاضية ممكن وقعدت اتنطط، وهي بصت لي وقالت مينفعش كده أنت معاك ست، احترم وجودي".

وأكد أنها كانت غاضبة وقتها، لكنه احتوى الموقف حتى لا يفسد علاقتهما، ووجه لها رسالة قال فيها: "إن شاء الله النهاردة نقول لك هارد لاك يا حبيبتي".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5