كشفت الفنانة هلا رشدي، تطورات حالتها الصحية، بعد خضوعها لعملية جراحية في الظهر خلال الأيام الماضية.

وقالت هلا رشدي خلال بث مباشر عبر صفحتها الرسمية على موقع التواصل الاجتماعي Facebook: "كنت متجهة يوم 14 مايو الماضي إلى إحدى الدول العربية، وأثناء هبوطي من الطائرة شعرت بشد عضل شديد في قدمي، واتجهت للفندق، مع استمرار الألم".

نرشح لك: هل يقدم سيرة والده الذاتية في عمل فني؟ أحمد خالد صالح يجيب

وأضافت هلا رشدي: "عملت مساج وبرضو ما ارتحتش، وبعدين روحت لدكتور من اللي هما سمكرية البني آدمين دول، وبرضو ما فدنيش بحاجة، وبعدين روحت تاني يوم لدكتورة، نفس النظام، قالتلي عندي غضروف على وشك الانفجار، ومع الضغط على أماكن معينة في جسمي الألم راح، وقررت أنام بقى، صحيت كنت هموت رجلي الشمال وقفت، وأخدت ترامادول وبردو الألم مرحش".

وتابعت: "قررت أرجع مصر، وقولت أموت في بلدي، كفاية كده، وفعلا رجعت وعملت رنين مغناطيسي، ولقينا الغضروف انفجر، ونزل على العصب الشمال في رجلي، وقبل العملية بيوم ناس كتير كلمتني، وده أكد لي إن ده آخر يوم في عمري".

واختتمت هلا رشدي: "لما كنت في غرفة العمليات، أهلي بيشوفوا أخبار كتيرة، زي: وفاة هلا رشدي، وحاجات كتير من كده، بس الحمد لله، ولما صحيت شوفت المحلول اللي فيه الحاجات اللي طلعت مني في العملية عرفت قد إيه البني آدم هين".

وانهالت التعليقات من قبل جمهورها متمنيين لها السلامة قائلين: "1000 سلامة عليكي" و"شفاكي الله وعفاكي" وربنا يخرجك بالسلامة وتقومي أحسن من الأول يارب".

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5