من جديد تواصلت الفنانة شيرين عبد الوهاب مع جمهورها وأجابت على العديد من أسئلتهم عبر خاصية القصص القصيرة في حسابها على Instagram.
وكشفت شيرين هذه المرة عن أمور مختلفة منها رأيها في تقديم دويتو مع الفنان عمرو دياب وسر اختيارها للإعلامي عمرو أديب للحديث عن أزماتها وغيرها من الأمور.
نرشح لك: لبلبة: عادل إمام توأم روحي وربنا خلقني علشانه (فيديو)
وفيما يلي نستعرض أبرز إجابات شيرين عبد الوهاب على أسئلة جمهورها:
ندمتي لأنك حلقتي شعرك؟
طبعا.
عاوزين دويتو مع عمرو دياب هل دا ممكن يحصل؟
حاسه أن أحنا مش لايقين على بعض، بس أكيد ممكن ودي حاجة أي حد يفرح بيها.
زمان أعلنتي أنك بتعملي ماركة لبس خاصة بيكي لسه ناوية تعمليها؟
مشروع شغالة عليه.
ليه بتخصي عمرو أديب بحصرياتك من الأخبار؟
مش هو بس، بس أكيد برنامج أستاذ عمرو أديب الأكثر انتشارا في الوطن العربي.
في أغنية ندمتي عليها؟
ماتجرحنيش.
لو النفسية وحشة بتعملي إيه؟
يا بصلي يا بنام يا بسمع دكتور مصطفى محمود لأني واخدة على كده من زمان.
أفضل رواية بالنسبة ليكي؟
الخيط الرفيع للكاتب إحسان عبد القدوس.
أزاي بطنك دي كلها في كواليس يا معافر وتقولي قولون مستحيل دي بطن حامل؟
عندك حق تقولي كده أنا نفسي بحس أني والنبي يا أختي في السابع، بس للأسف دا قولون وبكتيريا حلزونية والتهابات في الأثنى عشر.
أكثر شيء بتفتقديه؟
الصدق المطلق.
أكثر شيء بتحبيه في شخصيتك وشكلك؟
الصدق علشان أنا مش بحب الكذب، وبحب شكلي زي ما ربنا خلقني.
رد فعلك لما حد بيأذيكي متعمد؟
بيجيلي اكتئاب.
أكثر ملحن تحبي تشتغلي معاه؟
كان نفسي بليغ حمدي الله يرحمه.
على جانب آخر، أكد المستشار جميل سعيد أنه لا جديد في قضية النجمين شيرين عبد الوهاب وزوجها السابق حسام حبيب.
قال سعيد: "أنا لست محامي شيرين عبدالوهاب ولكن محامي حسام حبيب وبدعو لهما بالتوفيق ويكون خلافهما زوبعة في فنجان ويعودا إلى بعضهما، والقضية منظورة أمام القضاء وأتمنى انتهاء الأزمة"، حسب تصريحاته في برنامج "حضرة المواطن" الذي يقدمه الإعلامي سيد علي.
اقرأ أيضا:
مصطفى درويش يعلن قراءة الفاتحة.. تعليق غير متوقع من شقيق ياسمين عبد العزيز
مروان بابلو نجم شهر يونيو على غلاف مجلة GQ: صوت الشباب المصري
ديانا حداد: دعوا الخلق للخالق.. صورتي أثناء أداء العمرة قديمة
سمية الخشاب توجه نصائح لطلبة الصيدلة.. وهذه وعودها لو أصبحت وزيرة للتعليم
لا يفوتك-نجوم أجانب بس سميعة للطرب الأصيل ... بيسمعوا أم كلثوم وفيروز ونانسي
حمل آبلكيشن FilFan ... و(عيش وسط النجوم)
جوجل بلاي| https://bit.ly/36husBt
آب ستور|https://apple.co/3sZI7oJ
هواوي آب جاليري| https://bit.ly/3LRWFz5