عبرت الإعلامية لميس الحديدي عن حزنها بعد خسارة منتخب مصر أمام السنغال بضربات الترجيح بنتيجة 3- 1، في إياب الجولة الأخيرة من تصفيات قارة أفريقيا المؤهلة لكأس العالم قطر 2022.

وقالت لميس الحديدي في بداية حلقة اليوم من برنامجها "كلمة أخيرة": مافيش كلام يتقال الحقيقة وكلنا زعلانين، الماتش كان صعب جدا وكان عندنا سيناريوهات مختلفة بداية مباراة القاهرة كان لازم يخلص 2 مش واحد، الأداء كان متباين لعبنا شوية كويس وشوية سيء والتشكيل كان فيه مشاكل، ضربات الحظ أو الجزاء كانت غريبة جدا مكنش حد يتخيل أن محمد صلاح وزيزو ومصطفى محمد وده كان شيء خارج خيالنا أن الثلاثة يضيعوا، بالإضافة لضغط الجماهير وأشياء متعلقة بالتحكيم و" الليزر " اللي كان طول الوقت بيضايق اللاعبين وزجاجات المياه التي كان يقذف الشناوي بها.

نرشح لك: "بنلاعب فريق بلطجي" .. أنغام تنتقد سير مباراة مصر والسنغال

وتحدثت لميس الحديدي عن أداء المنتخب المصري في المباراة قائلة: إحنا كان علينا دور سواء تشكيل أو لعب خاصة أننا بنعرف نلعب كويس وده كان مفروض يتم من أول المباراة، كان في 20 دقيقة أو النص ساعة بالكتير في الشوط الثاني كان ممكن نقفل بيهم الماتش وهي دي الكورة نلعب ونجازف ومانخفش، ولكن إحنا كأبطال أفريقيا سابقا لازم نلعب أفضل ولازم مانخافش ولازم يكون فيه معسكر وفريق متلاحم يقرأ بعضه بشكل أفضل والحقيقة مينفعش نبقى فريق كبير ونضيع ثلاثة ضربات جزاء! ودي كانت فرصة لإحراز تقدم.

حمل آبلكيشن FilFan ... و(عيش وسط النجوم)

جوجل بلاي| https://bit.ly/36husBt

آب ستور|https://apple.co/3sZI7oJ

هواوي آب جاليري| https://bit.ly/3LRWFz5