عبر الفنان محمد يسري عن استيائه من تطاول بعض الجمهور على الفنانين وعبر عن ذلك من خلال صفحته الرسمية على موقع Facebook
قال محمد يسري "سبحان الله أنا من ساعة قصة الفيلم دي، وأنا قلت أنا مش هتكلم عن رأيي الشخصي في الفيلم اللي بالمناسبة فيه حاجات معينة فنيا معجبتنيش أوي، وفيه ناس اتكلمت واتناقشت معاهم بكل احترام بعيدا عن نتيجة الحوار".
نرشح لك: ليلى علوي: حزينة لما وصلنا له ونعتذر لمنى زكي وأسرتها
وتابع " المهم أنا قلت رأيي كده كده مش مهم وعملت شير بس، لرأي أساتذة بيحترمهم الفنانين والجمهور سواء"
وعبر عن استيائه من تعرضه للهجوم قائلا "والحقيقة إن في القصة دي كل اللي فارق معايا مدى التطاول، والشتيمة مش إن الناس يعجبها الفيلم أو لأ لأن ده في الآخر حق الجمهور كاملا، قوم إيه بقي يا مؤمن ألاقي الناس نازلة شتايم فيا، وفي أهلي وفي أبويا الله يرحمه، وفي مراتي اللي مش موجودة في الحياة أصلا، وفي عيالي اللي لسه مجوش"
واضاف "والكارثة الأكبر إن معظمهم بنات، وستات وفيه عيال أقسم بالله لما دخلت أشوف بروفايلاتهم، ميعدوش الـ 13 سنة وبيشتموا بكل أريحية، ونفسهم نولع في جهنم وحاجات كده لذيذة أوي، فواضح كده يا جماعة فعلا ما شاء الله إن قيمنا المجتمعية عظيمة وفعلا الغلط فينا إحنا.. صباح الفل»
تعرض فيلم "أصحاب ولا أعز" لهجوم كبير بعد عرضه على شبكة نتفليكس واتهمه البعض بالترويج للمثلية الجنسية، كما انتقد البعض منى زكي بسبب أحد مشاهدها في الفيلم
وبالرغم من الانتقادات الواسعة التي تعرض لها الفيلم، قام عددا من الفنانين والنقاد بالدفاع عن الفيلم ومنى زكي على حساباتهم الشخصية بمواقع التواصل الاجتماعي
ومن جانبه، قام النائب مصطفى بكري بتقديم بيان عاجل إلى مجلس النواب ضد فيلم "أصحاب ولا أعز" وقال " فيلم "أصحاب ولا أعز معادي للقيم والأخلاق، به نجوم كبار كنا نحبهم ونحترمهم فإذا بهم يساعدون على نشر قيم غريبة تتصادم مع قيم المجتمع المصري وتؤثر على الأسر المصرية".
يذكر أن محمد يسري شارك في الموسم الرمضاني الماضي من خلال مسلسل "نجيب زاهي زركش" مع يحيى الفخراني وأنوشكا، كذلك بمسلسل "ضل راجل" مع ياسر جلال ونور
لا يفوتك: مفاجآت في "أسرار رشاقة الفنانات" .. أول شيء يدخل معدة منة شلبي؟ وصفة سمية الخشاب ونصيحة مي عز الدين
اقرأ ايضًا:
رسالة محمد ممدوح إلى منى زكي: عايز اشتغل معاكي تاني وتالت
عمرو سلامة يدعم منى زكي وأحمد حلمي:سنظل نسعى وراء حرية الإبداع مهما قاوموها
إنجي علي تدعم منى زكي بعد انتقادات "أصحاب ولا أعز": إحنا آسفين يا منى
عزة مصطفى تدافع عن منى زكي: الأفكار لا تناقش بالشتيمة والإهانة