نيللي كريم: إتجوزت من ورا أهلي أول مرة وولادي بيحترموا قرارتي

FilFan

FilFan تاريخ النشر: الاثنين، 3 يناير، 2022 | آخر تحديث:

نيللي كريم

ردت الفنانة نيللي كريم على سؤال من الفنانة مايا دياب، عن موقفها لو رفض أولادها زواجها مرة ثانية.

وخلال حلقتهما من برنامج "بصراحة مع" المذاع عبر قناة MBC1، قالت نيللي كريم: "من وأنا صغيرة عمري ما باخد رأي حد. في جوازتي الأولانية إتجوزت من ورا أهلي ومخدتش رأي حد، ودايما متعودة طالما قررت أنفذ قراري."

وأضافت: "ولادي أنا عارفة إنهم بيحترموا قراراتي، ولو في نقاش بيبقوا عارفين إن محدش يقدر يأثر عليا، وأنا مش بجبرهم على رأي."

وتابعت: "بحب كل واحد ياخد قراره بنفسه ويبقى مقتنع برأيه، ولو رأيه غلط يتحمل نتيجة الغلط. ممكن أنصح وأقول رأيي لكن من غير ما أصر إن رأيي هو الصح، لإن مفيش حاجة اسمها صح وغلط في العموم."

يذكر أن نيللي كريم ولاعب الإسكواش المعتزل هشام عاشور عقدا قرانهما في أغسطس الماضي بعد إعلان خطبتها بأيام.

لا يفوتك: أمير المصري لـ في الفن: محمود حميدة موسوعة واتعلمت منه أخد شغلي بجدية.. وبحضر لحاجة كوميدي جديدة