حلت الفنانة رانيا يوسف ضيفة على حلقة من برنامج "في البوكس" المذاع عبر قناة Gossips بموقع يوتيوب، وكشفت من خلال إجاباتها على مجموعة متنوعة من الأسئلة جوانب من شخصيتها وحياتها، مثل طريقتها في تربية بناتها، وسبب إطلاق لقب "باربي" عليها في المدرسة.
تحدثت رانيا يوسف عن علاقتها بفصل الشتاء، ولماذا تحب السفر إلى إسبانيا، وطريقة تعاملها مع الانتقادات، وأيضا أنواع الأكلات التي تحبها.
أوضحت رانيا يوسف أنها سريعة البكاء عندما يحصل مكروه لشخص مقرب منها، ونلخص تصريحاتها للبرنامج في السطور التالية:
- أنا لما أضحك بعيط ودموعي سريعة جدا، لما حد قريب مني تحصل له حاجة وحشة
- أقصى عقاب مني لبناتي إني مكلمهمش نص يوم ومردش على التليفون، ولو رديت أعمل لهم وشوش زعلانة
- طلعوا عليا لقب "باربي" في المدرسة عشان كنت رياضية ومقاييس جسمي متناسقة، وكنت بطلع "نمبر وان" في مسابقات الجمال
- ضربت شعري أصفر في الجامعة مش في المدرسة
- أتمنى ربنا يديني الصحة مع العمر. الصحة والعمر والستر والرزق، الأربعة مع بعض والنبي يا رب
- مقرفتش من الرجالة، لكن على رأي مدام فيفي عبده I don’t have time
- علمت بناتي ميكذبوش أبدا، ويركزوا في مستقبلهم، وميتجوزوش قبل سن 30 سنة عشان ميشيلوش مسؤوليات بدري
- بحب لقب صاروخ السينما لحد دلقوتي
- بحب ألبس مايوهات وشورتات ولبس خفيف، ومبحبش آكل كتير، والشتا عكس كل ده
- فيروز بتفكرني بالشتا، وأكتر وزن وصلتله 69 كيلو
- بحب أسبانيا جدا، بلد قريبة وبياكلوا أكل "سبايسي" ودمهم خفيف، وفيهم روح عربية، مفكوكين وشعب مش أوروبي قوي، ولغتهم حلوة
- صحابي كلهم متجوزين وطبيعي يحقدوا عليا عشان مش متجوزة
- ممكن عشان مشهورة، وساعات بقول آراء صحابي يخافوا يقولوها، وعشان أجرأ منهم في اللبس
- ممكن أسمع الانتقاد لو بأسلوب لطيف وهادي
- مبحبش التليفون وبستخدم الموبايل عشان أطمن على بناتي وأبويا وأمي وعشان شغلي
- بحب اللون الأحمر عشان أنا أهلاوية
- إتعلمت من فترة مخدش رد فعل سريع في أي مشكلة، ممكن أعمل رد فعل بعد 6 شهور
- بحب الأكل البيتي جدا، محشي وفراخ وملوخية
- مليش في الأرقام خالص، أنا حمارة في الأرقام
- حاجة محدش يعرفها عن أسماء أبو اليزيد؟ عندها هاجس لازم تتخس، مع إن مواصفات جسمها هايلة
يذكر أن رانيا يوسف تستكمل تصوير مشاهدها في مسلسل "المماليك" داخل مدينة الإنتاج الإعلامي، وذلك بعد عودتها من رحلتها بإسبانيا، حيث يجمعها عدد من المشاهد مع كل من محمد لطفي ورامي وحيد وفيدرا.
ومسلسل" المماليك" من المقرر عرضه خلال الفترة المقبلة عبر شاشة قناة النهار، ويشارك في بطولته كوكبة من النجوم بجانب رانيا يوسف منهم محمد لطفي وبيومي فؤاد وعائشة عثمان و رامي وحيد ومحمد سليمان وفيدرا ودوللي شاهين وعمر حسن يوسف، تأليف هشام هلال، وإنتاج إيهاب منير، وإخراج حازم فودة.
لا يفوتك: حسن عابدين الفنان المحارب .. هرب من الإعدام وطردوه من أمام قبر الرسول وأعاده الشيخ الشعراوي للفن
اقرأ أيضا:
رانيا محمود ياسين تكشف عن تمثال والدها في بورسعيد (صورة)
مايا دياب تهاجم أدهم نابلسي: الفن مش حرام
خاص نزار الفارس بعد ظهوره بالشيشة على الهواء: لم ولن أقلد محمد رمضان
حمل آبلكيشن FilFan ... و(عيش وسط النجوم)
جوجل بلاي| https://bit.ly/3c7eHNk
آب ستور| https://apple.co/3cc0hvm
هواوي آب جاليري| https://bit.ly/3wSqoRC