مصطفى درويش: عندي مشكلة جامدة جدا إن بنتي يكون لها "بوي فريند"

FilFan

FilFan تاريخ النشر: الاثنين، 20 ديسمبر، 2021 | آخر تحديث:

مصطفى درويش

اشترك الفنان مصطفى درويش في مناقشة برنامج "الحكاية" المذاع عبر قناة MBC مصر، حول سؤال " توافق إن ابنك أو بنتك يبقى عندهم بوي فريند أو جيرل فريند؟"

‎‎

وفي مداخلة هاتفية مع الإعلامي عمرو أديب، قال مصطفى درويش: "إحنا مشوفناش كده أصلا. إحنا جيل قديم شوية، كان الموضوع التليفون الأرضي وأرمي جواب لبنت في الشارع، وكان الجواب موضوع كبير جدا."

‎‎

وأضاف: "دلوقتي الدنيا إتغيرت، آه إحنا بنتطور وداخلين على عصور تكنولوجيا، بس لازم نحافظ على قيمنا. مش هينفع بنتي يبقى عندها 17 أو 18 سنة وتقوللي أنا مع صاحبي في العربية."

وتابع: "مش هقدر أمنعها تكلمه في التليفون لإنه بقى موبايل وهتعملها من ورايا، والموبايل بيطلع صورة، فالموضوع كده بقى في حتة تانية. أنا الواجب عليا أفهمها إيه الصح وإيه الغلط."

وأكمل: "طبعا عندي مشكلة جامدة جدا بنتي يبقى عندها بوي فريند، إحنا عندنا عادات وتقاليد منقدرش، أنا أغير على بنتي ومراتي وأختي. ابني هيطلع برنس ورمانة الميزان."

لا يفوتك: حلقة جديدة من برنامج «تحليل النعمات مع عمك البات» بيشرحلنا فيها أحمد نادر «المقامات الموسيقية»