ميس حمدان: دانا أختي بتعمل ثورة في عالم السوشيال ميديا

FilFan

FilFan تاريخ النشر: الخميس، 16 ديسمبر، 2021 | آخر تحديث:

ميس حمدان

قالت الفنانة ميس حمدان إن العلاقة بينه وبين أختيها دانا حمدان ومي سليم علاقة استثنائية غير موجودة في كثير من البيوت.

‎‎

وخلال استضافتها في برنامج "سهرانين" الذي يقدمه الفنان أمير كرارة عبر قناة ON، أوضحت ميس حمدان أن شخصيتها لها جانبان قائلة: "عندي جانب خجول جدا، وجانب أعتقد بيطلع قدام الكاميرا بس. لدرجة إن الناس لما بيشوفوني بيفتكروني متكبرة، عشان مش بتكلم خالص. مي هي اللي شقية، وأنا في الحقيقة هادية."

وأضافت معلقة على نشاط شقيقتها على السوشيال ميديا: "أعتقد إن دانا دلوقتي بتعمل ثورة في عالم السوشيال ميديا في الوطن العربي بالفيديوهات اللي بتعملها عن مصر، وبتوري الناس أماكن جديدة وحاجات حتى الناس في مصر لما بيتفرجوا عليها بيبقوا مبهورين."

‎

وأضاف: "أنا ومي ودانا نفسنا نعمل حاجة مع بعض، رغم إن النية موجودة بس مش عارفة ليه مش راكبة."

لا يفوتك: سلمى أبو ضيف: بحب الشغل "الدارك" والغطس في "المشهد الاخير" كان غلس ودي آخر حاجة متهورة عملتها