شيرين عبد الوهاب : حلقت شعري زيرو عشان مكونش حلوة في عين حسام حبيب ونتطلق

FilFan

FilFan تاريخ النشر: السبت، 11 ديسمبر، 2021 | آخر تحديث:

شيرين عبد الوهاب

كشفت الفنانة شيرين عبد الوهاب سبب حلاقة شعرها zero، كما ظهرت في حفلها الغنائي الأخير في أبوظبي.

أوضحت شيرين أنها حلقت شعرها بهذه الطريقة قبل يوم واحد من طلاقها من الفنان حسام حبيب، مشيرة إلى أنها لا تزال تحبه.

وخلال مداخلة هاتفية مع الإعلامي عمرو أديب ببرنامج "الحكاية" المذاع عبر قناة MBC مصر، نفت شيرين أن تكون مريضة نفسيا، ونرصد تصريحاتها للبرنامج في السطور التالية:

‎

- مفيش عندي مرض نفسي بس في عدم اتزان

- مكانش ممكن حد يشوفني كده، بس أنا نزلت شغلي عشان بناتي شافوني كده

- لو مكنتش نزلت شغلي في الوقت ده، وبينت لبناتي إن ده "نيولوك" كنت هسبب لهم عاهة مدى حياتهم

‎

- أنا عملت كده عشان مكونش حلوة في عين حسام حبيب ويحصل الانفصال

- حلقت قبل الطلاق بيوم واحد، وحلقت لنفسي، وبعدين جبت حد يخليه طول واحد بما إني شوهت أهم حتة

- دي مش أول مرة أقص شعري، لما كنت طالعة أضحك الناس في راس السنة واتهموني بعدم وطنيتي، أنا كنت مذبوحة ساعتها، وطبعا أستاذ هاني شاكر نقيبنا دافع عن مريم فارس ومدافعش عني ساعتها، واتعمل لي تحقيق في النقابة، فأنا عمالة آخد على دماغي

‎

- بعد اللي حصل في شريحة كبيرة من السيدات محاربات السرطان خدوني قدوة بالنسبالهم

- فكرة حلاقة شعري ورثتها من أبويا، أصوله تركية وكان لم يزعل يرجع البيت قاصص شعره

- سبب وصولي للمرحلة دي إن حساسة بزيادة، وكنت بعاقب نفسي لإني غلطت في حق نفسي ومكانتي، فكان لازم أربي نفسي، ودخلت الجيش من أوسع أبوابه

- أنا محتاجة احتواء الناس، وإنهم يقدروا إني نازلة اشتغل بالحالة دي، وميقولوش عني كلمة تجرحني

- أنا مش مريضة نفسيا، أنا بتعالج لإني لما خلفت بناتي جالي وسواس قهري إن ممكن أقرب الناس يؤذيهم، وبتعالج من إفرازات المخ الزيادة

- من أول موضوع الجواز قلت إحنا لا نصلح، فرق السن سنة واحدة، وعلى فكرة أنا لسه بحبه

وكانت شيرين خطفت الأنظار في حفلها الغنائي الأخير في أبوظبي بظهورها وهي حليقة الرأس، وأثارت إطلالتها في الحفل تساؤلات حول مرورها بظروف نفسية صعبة بعد طلاقها، أم أن الأمر مجرد "نيو لوك".

ومؤخرا، أصدرت شيرين عبد الوهاب بيانا رسميا أكدت فيه انفصالها عن الفنان حسام حبيب، محتفظة بالأسباب لنفسها.

لا يفوتك: "تحليل النغمات مع عمك البات" يكشف لنا لماذا الفنانة الإماراتية اليمنية بلقيس ظاهرة تستحق الدراسة؟