حلت الفنانة هند صبري ضيفة على الإعلامية منى الشاذلي في برنامج "معكم منى الشاذلي" المذاع على فضائية CBC

نرشح لك: #شرطة_الموضة: تعديلات غير موفقة على فستان نانسي عجرم في حفلها باستاد القاهرة

كشفت صبري عن مواقف تعرضت لها في بدايتها الفنية وعن علاقة الصداقة بينها وبين منة شلبي وأحمد السقا وعن تكريم الرئيس عبد الفتاح السيسي لها بسبب فيلم "الممر" وإليكم أبرز تصريحاتها

-أنا ومنة شلبي مكناش بنحب بعض في البداية بس مكناش متخاصمين

-علاقتي مع منة شلبي كان فيها منافسة وحذر

-ناس كتير وقعوا بينا زمان وهي ودنية شوية وكان ناس بيجوا يقولولي منة بتقول عليكي كذا ويروحوا لمنة يقولولها هند بتقول عليكي كذا

-لما المخرج محمد خان قرر أنه عايزنا في فيلم "بنات وسط البلد" احنا الأتنين قبلنا وجود بعض لأننا محترفين واول مرة أثناء اجتماعنا كلنا اتكلمنا أنا ومنة واتصافينا

-خصامنا كان زي خصام العيال ومكنش خصام لكن كان حرص وحذر في التعامل ومنافسة

-لما كبرت عرفت أن الشخص اللي هينجح من هيخسر التاني

-اتعرضت لبعض التنمر من بعض الفنانين وكانوا مسميني "المغتربة" وكان بيتقال "خلي المغتربة تنفعكم"

-مكنتش مصدقة أني ممكن اتكرم من الرئيس عبد الفتاح السيسي على مشهد في فيلم "الممر"

-الحرب مش بس رجالة على الجبهة لكن امهات بتربي الأطفال لوحدها وقلت لشريف عرفة هي الناس هتفهم من مشهد واحد رسالة الست

-مكنتش عايزة أموت في نهاية فيلم "إبراهيم الأبيض" وكنت اتمنى تغيير النهاية لكن مروان حامد دايمًا بيموتني في أفلامه

-اصريت على تقديم أحمد السقا وكتابة كلمات التكريم بنفسي في مهرجان الجونة، فهو صديقي وصديق زوجي واتواصل معاه دايمًا وبينا تاريخ سينمائي طويل

-قررت أمارس الرياضة لأن وزني زاد بعد الولادة وإنجاب بنتين وبشوف أمهات معاهم 4 و5 أطفال ووزنهم قليل فقررت اتجه للرياضة

-أول فيلم عملته كان عندي 13 سنة وكان "صمت القصور" ومهرجان قرطاج كلموني علشان ياخدوا موافقتي على وضع صورتي على البوستر وطبعًا وافقت لأن الدورة دي تكريم لمخرجة الفيلم اللي توفيت بسبب الكورونا

-سعيدة جدًا أن أول رئيس وزراء في العالم العربي في تونس سيدة ودة تكريم للمرأة وسعيدة بوجود عدد من الوزيرات المصريات

-نفسي ثقافة إعادة التدوير تنتشر وأنا عندي سلة بحط فيها الكارتون والمعدن والبلاستيك والمندوب بيجي كل اسبوع ياخدها

-أنا بنت وحيدة ومامتي هي ملهمتي وهي كانت مدرسة وعايشة معايا في مصر من 5 سنين

اقرأ ايضًا:

ويجز : مزيكتنا أجرأ وجمهوري حتى 40 سنة وقلت الحمد لله بعد صورة حفل "المنارة"

رامي عاشور يطرح أحدث أغنياته "أكلم مين"

صلاح عبد الله: زوجتي عكس كل مواصفات فتاة أحلامي

تامر عاشور ينتهي من تسجيل أغاني ألبومه الجديد استعدادًا لطرحه قريبًا