سؤال عن القهوة جعل الانتقادات تُلاحق أسما شريف منير بسبب "الليجن": مكانه الجيم

محمد أحمد

محمد أحمد تاريخ النشر: الخميس، 9 سبتمبر، 2021 | آخر تحديث:

أسما شريف منير

حالة من الجدل والانتقادات لاحقت أسما شريف منير بعد أن قامت بنشر عدة صور جديدة لها عبر Instgram.

نشرت أسما صورا لها وهي تتناول القهوة في أحد الأماكن، وسألت جمهورها بتشربوا قهوتكم إزاي؟ ولكن السؤال الذي طرحته لم يأتي لها سوى بالانتقادات من الجمهور الذي ترك القهوة وتفرغ لكتابة التعليقات اللاذعة على "الليجن" الوردي الذي ارتدته.

نرشح لك : جمهور مسلسل "زي القمر" يدعم "درة" في حكاية "غالية": كسبت تعاطفنا

وانتقد رواد مواقع التواصل الاجتماعي البنطلون الذي ظهرت به أسما في الصور وهو "ليجان" ضيق، وارفقت سؤال على جمهورها عن أية أنواع القهوة يفضلون، حيث كتبت قائلة: "صباح النور سؤال علي الريق كده، بتشربوا قهوتكم ازاي؟ انا اكتر نوع قهوة بحب أشربها هي القهوة التركي، بن فاتح ساده مش محوجة يعني سكر مظبوط".

وإنهالت التعليقات على أسما من متابعيها معبرين عن استيائهم من هذه الإطلالة مما عرضها لهجوم حاد وكانت التعليقات كالأتي: "الليجن مش حلوة خالص ومكانها الجيم مش الخروج كدا"، و"انتي خسيتي اه وكل حاجة بس البنطلون حقيقي مستفز جداً ولا يليق بيكي"، و"اسما معلش بس بجد البنطلون اوفر جدا"، و"والله حرام لبس زي دا يتلبس والناس تشوفه"، و"طولي البلوزة شوية يا اما تشيلي الصورة"، و"مش عايزين نزعل من حد بنحبه الليجين صعب اوى".

كما اهتم عدد من متابعيها بإبداء رأيهم في القهوة وتفاعلوا معها بعيدا عن انتقادات البنطلون قائلين: "بن سادة وسط مظبوط" و"بن فاتح محوج سكر مظبوط او كابتشينو سكر قليل"، و"بحب اشربها سادة فاتح سكرها مانو".

ومن المعروف أن أسما شريف منير من الشخصيات المهتمة بالسوشيال ميديا وتتفاعل بشكل دائم مع متابعيها إلا أنها تتعرض بسببها لانتقادات في بعض الأحيان.

وكانت أسما شريف منير أعلنت في يوليو الماضي تراجعها عن نشر أي صور تظهر فيها بملابس مكشوفة، وأوضحت عبر حسابها على Instagram أنها حذفت صورة نشرتها مؤخرًا، بعدما شعرت أن الشيطان تغلب عليها، وكتبت: "مسحت الصورة اللي فاتت و قلت أنزل دي بس عشان ساعات شيطاني بيغلبني زي باقي البشر".

وأضافت: "وساعات بحس بالذات بعد ما خسيت أني عايزه ألبس لبس حلو وبناتي كده وأفرح أني بقي شكله حلو عليا، بس الصح صح مش هقاوح، أنا أصلاً مش بحب ألبس لبس مكشوف في العادي بس انجرفت ورا الدنيا اللي مش باقية".

تابعت أسما شريف منير: "هقاوم الإحساس ده هركز مع نفسي وفي لبسي أكتر وهحاول أنقي لبس يكون معتدل، وحلو عشان أشجع نفسي والبنات اللي يتابعني أنهم يلبسوا لبس حلو في نفس الوقت مش مفتوح".

لو فاتك: 25 فنانا منحوه الشهرة وتبرأوا منه بعد سقوطه ... القصة الكاملة لـ"سمكري البني آدمين"