وجهت الممثلة زينب غريب رسالة دعم للفنان شريف دسوقي، بعد إصابته ببتر قدم سكري.
وكتبت زينب عبر حسابها على Facebook مؤكدة أنها لا تجد ما تقوله، متذكره كواليس عملها مع شريف دسوقي في مسلسل "بـ100 وش" ووصفته أنه شخص محترم وخلوق.
وقالت: "أنا مش عارفة أقول إيه ولا إيه في حق الأستاذ شريف الدسوقي، دايما كان معانا محترم وخلوق لأبعد حد في مسلسل بميت وش، وعلى المستوى الشخصى كان بيتعامل بكل عطف معايا ومع الكل، ويمكن أنا اللي مقصرة في حقه، ومش قادرة استوعب مدي ضغط وقسوة مهنة التمثيل اللي أكيد بتأثر علينا كلنا بطرق مختلفة نفسيا أو صحيا أو ماديا ... بس الموقف اللي بيمر بيه الأستاذ شريف بيوجع القلب وكل آمالي إنه يكمل ولا حاجة تأثر فيه مهما حصل".
واختتمت كلامها: "بتمنى ياخد وقته في الشفا ويتخطي محنته ويقوم بالسلامة، وأنا وكل الناس اللي بتحبه قلوبنا ودعمنا معاه، وعشمي في ربنا كبير أنه يلهمه الإرادة والعزيمة ويرجع يكمل مشواره ونجاحه ويضيف للسينما والدراما بموهبته المميزة".
يشار إلى أن شريف دسوقي تعرض لإصابة أثناء تصوير أحد المسلسلات وبعد الفحوصات اكتشف أنه يعاني من مرض السكر في مرحلة متقدمة وخلال 11 يوما أصيب بضغط وسكر وحمرة وقدم سكري.
الجدير بالذكر أن شريف دسوقي حصل على جائزة أفضل ممثل من مهرجان القاهرة السينمائي الدولي عام 2018 بعد عرض فيلم "ليل خارجي"، كما أنه لفت الأنظار بدوره في مسلسل "ب100 وش" الذي عرض في موسم رمضان 2020 ونال إعجاب الجمهور والنقاد على حد سواء.
اقرأ أيضا:
خالد النبوي لشريف دسوقي: بإذن الله تتحول المحنة إلى منحة كبيرة
5 أشياء يمكن أن يفعلها شريف دسوقي لتجاوز أزمته
زعيم عصابة "بـ100 وش"يدعم شريف دسوقي ... رسالة آسر ياسين
التعليق الأول لشريف دسوقي بعد بتر قدمه