أوضحت الفنانة هالة صدقي العديد من الأمور حول الهجوم الذي شُن على زملائها لحضورهم حفل زفاف بعد جنازة الراحل سمير غانم، واعترافها أنها اعتذرت عن حضور حفل زفاف جاءت خصيصا له من دبي.
كتبت هالة صدقي عبر حسابها بموقع Facebook: "زي ما العزاء واجب الفرح كمان واجب ،الفرح يوم في العمر وخصوصا لو حد عزيز عليه جدا ومنتظر اشاركه اللحظه دي ،المعروف جدا ان اي فنان واولهم الفنان سمير غانم وينزل يعرض ويضحك ويسعد جمهوره لكن قلبه من جوه كله حزن واكبر مثال العظيم عادل امام دفن مصطفي متولي صاحبه وجوز اخته الظهر ونزل يعرض بليل وبما بعد ما نزلت الستاره انهار ،ومش عادل بس لا في غيره وغيره وغيره ، للاسف الفنان بيبقي مطلوب منه فوق طاقته واصحابه وحبايبه منتظرين منه اكتر".
هالة صدقي: رجعت مصر علشان أحضر فرح حضرت جنازة سمير غانم واعتذرت عن الفرح
وتابعت: عمر الحزن ما كان بلون الاسود او البكاء ،ولاد سمير النهارده مؤكد لابسين ملون علشان مامتهم ما تعرفش باللي هما فيه هل ده معناه انهم مش زعلانين ومقهورين علي باباهم ،وهي قدرات ممكن حد يقدر يتغلب علي احزانه وناس لا ،وعلي فكره انا مكنتش معزومه علي الفرح اللي زملائي كانوا فيه ،كنت معزومه في فرح تاني خالص والنهارده كمان كان عندي فرح حد من اعز اصدقائي ،كلنا عارفين الاصول ان لما حد يموت نقفل التلفزيون وبلاش مزيكا وحاجات كلنا عارفينها، لكن للاسف في ظروف خارجه عن الاراده وبدل ما نحاسب البشر واحنا عندنا رب هو المسئول عن اللي في القلوب ،ندعي للزميله والاخت العزيزه دلال ان ربنا يقومها بالف سلامه وترجع لبيتها وولادها وتتحمل فراقها لحبيب عمرها شكرا لتفهمكم".
ورحل الفنان سمير غانم عن عالمنا الخميس 20 مايو، وأقيمت جنازته أمس عقب صلاة الجمعة من مسجد المشير بالتجمع الخامس وحضر عدد كبير من الفنانين.
شاهد صور النجوم في جنازة سمير غانم: مشاهد مؤثرة من عزاء سمير غانم .. دموع ودعاء وصدمة
وكان سمير غانم أصيب بفيروس كورونا وتدهورت حالته الصحية خلال الأيام الماضية وتوفي في مستشفى الصفا بالمهندسين.
اقرأ ايضًا:
شفاء دلال عبد العزيز من كورونا
#شرطة_الموضة: ياسمين صبري تجري تعديلات على فستان من تصميم نيكولا جبران