علق الفنان عمرو سلامة على إعلان حلقة لم الشمل من مسلسل Friends المقرر عرضها في 27 مايو الجاري.
كتب عمرو سلامة عبر حسابه بموقع Facebook: "طول عمري بحس إن اللي مش عارف إفيهات ومواقف Friends هو كإنه ناقصه لغة أو ماكملش تعليمه.
وبالمناسبة اللي مالحقش الـ ست كوم وقتها خلاص، اللي ذاكر ذاكر، لو شافه بعدها احتمال إنه يحبه ضئيل جدا.
الـ ست كوم ده أنا مدينله إنه خلاني أستحمل لحظات إكتئاب كثيرة، وأجمل نوع من أنواع الـ (وايت نويز) حاجة تشغلها جمبك كده صوتها يعمل ونس، وأجمل ما فيه إنك عمرك ما تزهق من إعادة المشاهدة.
مشاهدة إعلان حلقة الـ Reunion الجديدة اللي عملاها HBO مؤلمة لكذا سبب.
لإننا إكتشفنا إنها تسجيلية بس، مجرد لقاءات معاهم وكلام عن الذكريات.
لإنها بتبين الزمن عمل فيهم إيه وقد إيه كبروا.
لإنها بتبين الزمن عمل فينا إيه وقد إيه إحنا كمان كبرنا".
ملاحظات على إعلان حلقة عودة Friends.. لن تتمالك دموعك!
يذكر أن حددت HBO Max يوم الخميس 27 مايو الجاري كموعد لعرض الحلقة المنتظرة، والتي تشهد وجود عدد كبير من ضيوف الشرف إلى جانب الأبطال الستة؛ جنيفر أنيستون، كورتني كوكس، ليز كودرو، ديفيد شويمر، مات لوبلانك وماثيو بيري.
ضمت قائمة الضيوف المنتظرين للحلقة عددًا من المشاهير، بينهم: ديفيد بيكهام، جاستين بيبر، bts، جيمس كوردن، سيندي كراوفرود، ليدي جاجا، إيليوت جولد، كيت هارينجتون، لاري هانكن، ميندي كالنج، توماس لينون، كريستينا بيكلز، توم سليك، جيمس مايكل تيلر،ماجي ويلر، ريز ويزرسبون ومالالا يوسفازي.
اقرأ أيضا:
هيفاء عن تصريحات وزير الخارجية اللبناني: البدو ليس وصف مسيء حتى يتم الاعتذار
الشرنوبي مداعبا هنا الزاهد: صور الطيارات بتجيب مشاكل