أوضح الكاتب أيمن بهجت قمر عن سبب سرعة استنكار أعضاء جمعية مؤلفي الدراما لبيان الصادر عن الكاتب بشير الديك رئيس جمعية مؤلفي الدراما العربية، والذي طلب فيه عقد اجتماع مع رئيس الشركة المتحدة للخدمات الإعلامية تامر مرسي، لبحث قضايا كبار المؤلفين والملكية الفكرية وحق الأداء العلني.
كتب أيمن بهجت عبر حسابه بموقع Facebook: "توضيح، إستنكار المؤلفين وسبب تحركهم وإصدار بيان بشكل ملح وضروري بسبب رفضنا للتوجيه من اساتذة جامعات او محللين نفسيين او اي حد ايا كان لإن اول طريق للابداع هو الحريه يكفينا وجود جهاز رقابه بيراقب اعمالنا واعمال أجدادنا كمان وطول الوقت الكاتب في شد وجذب مع الرقابه وده طبيعي ومسلمين بيه لكن لجنه وتخضع للأهواء وناس مش فنانين تقيم وتقولك اكتب ده وماتكتبش ده مستحيل واكيد اي كاتب عنده اعتزاز بموهبته هيرفض ده .. اللهم إلا في الاعمال اللي ليها علاقه بأجهزه حساسه وده طبيعي ومقبول".
أعضاء جمعية مؤلفي الدراما يرفضون بيان بشير الديك ويدعون لعقد جمعية عمومية
أضاف: بالنسبه لإنتقاد البيان لمسلسلات بعينها زي اللي تناولت الصعيد برضه ده مش دورنا .. مش دور الجمعيه تنتقد عمل بالسلب والمفروض انها المكان اللي بيجمع كل المؤلفين بما فيهم المؤلفين اللي كاتبين الاعمال دي ودورها تحمي حقوقهم وتقوم بتحصيلها.
وتابع: احنا قضيتنا الحفاظ على حقوق المؤلف وتحصيل حقوقه غير كده اعتقد فيه خلط كبير وهو ده اللي أدى لرد الفعل اللي بعتبره ممكن يبقى صحوه جديده في تحصيل حقوق المؤلفين المهدره وده شئ طيب مع كامل تقديرنا واحترامنا للمجلس الموجود اللي انا واحد منهم وكلهم اساتذتنا بس احنا طبيعي لازم نختلف والا يبقى فيه شئ غلط ونبقى بنضحك على بعض وداخلين نضيع وقت.
يذكر أنه وقع على البيان مجموعة من الكتاب وهم: أحمد عبد الله، أحمد مراد، أحمد وائل، إسلام حافظ، أمين جمال، أنجي القاسم، أيمن بهجت قمر، أيمن مدحت، أيمن وتار، تامر حبيب، تامر إبراهيم، حميد المدني، خالد دياب، سماء عبد الخالق، شريف بدر الدين، شريف نجيب، شيرين دياب، صلاح الجهيني، عمرو الدالي، عمرو محمود ياسين، كريم حسن بشير، محمد إسماعيل أمين، محمد حفظي، محمد دياب، محمد سليمان عبد المالك، محمد سيد بشير، محمد صلاح العزب، محمد عبد المعطي، محمد نبوي، مريم نعوم، مصطفى جمال هاشم، مصطفى حلمي، مصطفى صقر، نجلاء الحديني، هشام هلال،هيثم دبور، وائل حمدي ووليد يوسف.
اقرأ أيضا:
رانيا محمود ياسين عن تدخلها في خلاف شقيقها وياسمين عبد العزيز: مليش دعوة بخلافات ولا ليا في تلقيح
يحتاج لعلاج مكثف.. مستشار الجمهورية يكشف تفاصيل الحالة الصحية لسمير غانم ودلال عبد العزيز
مجدي صبحي يعلن اعتزاله الفن: لا استطيع أن أقدم تنازلات وأقلل من نفسي وكرامتي
محمد شاهين يرد على حمو بيكا: حسبي الله في اللي فرضك علينا وعملك قيمة