هاجمت الإعلامية ريهام سعيد المخرج مجدي الهواري بسبب منشور له على حسابه الشخصي بموقع التواصل الاجتماعي Facebook، قال فيه "عارفين المثل اللي بيقول لا يصح إلا الصحيح ولا ايه؟".
نرشح لك: بقو مخدماتيه للأستاذة .. مها أحمد تفتح النار على نجمين كبيرين شاركا في دراما رمضان
اعتقدت ريهام سعيد أن المقصود بكلام الهواري هو المخرج محمد سامي بعد قرار إيقاف التعامل معه من قِبل المتحدة للخدمات الإعلامية.
قالت سعيد ردًا على الهواري "بس مش أنت اللي تكتب البوست ده، لأنه في الآخر زميل والزملاء يقفوا جنب بعض مش يشمتوا في بعض".
قام الهواري بالرد على ريهام سعيد في تعليق قال فيه " مين الآخر ومين الزميل ومين اللي بيشمت.. أعتقد كلامك لحد تاني، وفي مكان تاني وبالرغم إني مش محتاج أبرر ولكن أنا سمعت الخبر من التعليقات، ومش محتاج أقول المقصود الحقيقي من البوست، أعتقد إن حلفاني يكفي ومش مضطر أبرر"
وأضاف "أنا حر في ما أدونه على حسابي الشخصي، ومش هخش أبدا في نوع من التريندات، لإني مش من المدرسة دي خالص، ولا من الناس اللي بتعمل كدة، وهتلاقي متابعيني وأصدقائي شبهي ومحترمين زيي".
واختتم كلامه قائلًا "“وكمان ولا محتاج شهرة مثلا، وتاريخي يشهد على احترامي للجميع ومن الجميع تحياتي، هتلاقي ناس تانية في أكونتات تانية عايزة لقطة وماشيين مع التريند، مش هنا ! ولا أنا . نقطة”.
اقرأ ايضًا:
مصير الجزء الثاني من مسلسل "لؤلؤ" بعد وقف المتحدة التعاون مع محمد سامي المتحدة توقف التعامل مع محمد سامي