الملخص- بشرى في "سهرانين": حلقولي شعري "زلبطة" مرتين وفقدت الثقة في كل من حولي بسبب هذا الفيلم

نهال ناصر

نهال ناصر تاريخ النشر: الأحد، 7 مارس، 2021 | آخر تحديث:

بشرى

حلت الفنانة بشرى ضيفة على برنامج "سهرانين" من تقديم أمير كرارة ويعرض عبر قناة ON.

وخلال الحلقة استعادت بشرى ذكريات من طفولتها وفترة الدراسة ومواقف طريفة وقعت فيها، بالإضافة إلى ذكريات عن أعمالها.

وفي نقاط نستعرض أبرز تصريحات بشرى في البرنامج:

- عندي عقدة من اسمي وكانوا بيقولولي في المدرسة يا "شبرا" يا "شوربة".

- وأنا في الجامعة لقيت شئون الطلبة بيدوروا عليا علشان "التجنيد" طلع اسمي اتكتب غلط.

- أنا طول حياتي كان نفسي أدخل "التجنيد" لأن شخصيتي تحب الانضباط.

- كنت مشهورة بالعضة بتاعتي أعمل ساعة على الأيد.

- حلقولي شعري مرتين "زلبطة" مرة علشان شعري يتقل، ومرة عقاب، وجاتلي عقدة لفترة وكنت دايما بلبس كاب.

- كنت مقتنعة أني ولد وكنت بضرب الأولاد وأنا صغيرة.

- أبويا قالي في مرة "أرجعي من مطرح ما جيتي" علشان يعلمني انضباط المواعيد، ودا علشان جيت قبل ميعادي بـ5 دقايق، وكلمت جارتي أخدتني وصلتني لبيت ماما.

- فيلم "678" أتعبني وأدخلني في حالة اكتئاب، وقتها كان وقت زواجي وكنت لا أريد أن أتمم الزواج.

- عشت فترة فاقدة الثقة في كل من حولي صدقت الشخصية التي قدمتها في "678" الفيلم أثر فيا جدا وخلاني "شرسة".

- في كواليس مسلسل "شباب أونلاين" أمير كرارة كان بيأكلني علشان أتخن.

- أنا بخاف من فكرة الجواز والموضوع مش سهل عليا، لكن خطيبي هو صديق عمري وأتربينا من بعض.